Hiru pertsona atxilotu dituzte Bilboko sexu erasoagatik
Ertzaintzak hiru gizonezko atxilotu ditu urtarrilean izandako sexu erasoa leporatuta. Emakumeak duela bi aste inguru salatu zuenez, Bilbo erdiguneko diskoteka batean konortea galdu eta Solokoetxen esnatu zen sexu eraso zantzuekin.
Erasoa urtarrilaren 14an izan zen. Emakumea hilaren 16an joan zen Basurtuko ospitalera eta Ertzaintzak ikerketa martxan jarri zuen. Dirudienez, erasotu zuten zonaldeko segurtasun kamera bateko irudiak lortu zituzten; ustez, horietan, bi pertsona ikus daitezke emakumearekin sexu harremanetan eta hirugarren bat mugikorrarekin gertatutako grabatzen. Emakumeak aldiz, galdu itxura du.
Erasotzaileak identifikatu eta gero, atzo, lehen orduan atxilotu zituzten, bi Santutxun eta beste bat Barakaldon.
Antzeko erasoak azken hilabeteetan
Azarotik lau sexu eraso salaketa eman dira Bilbon. Abenduaren 6an, 19 urteko neska bat Casilda Iturrizar parkean esnatu zen erdi biluzik eta minduta. Aurreko gauean lagunekin atera zen eta ez zuen gertatutako ezer gogoratzen. Urtarrilaren 2an ustezko erasotzailea atxilotu zuten Beasainen.
Aurretik, azaroan, 20 urteko emakume batek, hau ere lagunekin aurreko gauean tabernetan egondakoa, antzeko kasu bat salatu zuen.
Laugarren kasua aurreko asteburuan eman zen, urtarrilaren 28an. Emakumeak asteartean salatu zuenez, konorterik gabe zegoen San Frantziskoko etxebizitza batean erasoaren unean.
Elkarretaratzea
Larunbateko erasoa eta azken hilabeteetan gertatutako guztiak salatzeko, gaur (hilak 13), 19:00etan, elkarretaratzea deitu du Galtzagorri talde feministak Mariaren Bihotza plazan.
Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (Euskal Herrian) edo 016 (Estatu mailan); doakoak dira eta ez dute arrastorik uzten fakturan.
Albiste hau Uriolak argitaratu du eta CC-by-sa lizentziari esker ekarri dugu ARGIAra
Azken bi hamarkadetan indarkeria matxistaren gaia lehen lerrora ekarri du mugimendu feministaren borrokak, besteak beste, eta bikote arteko indarkeria edo “familia arazo” gisa deskribatzen zenak, eremu publikora eta kalera egin du salto. Indarkeria matxistaren... [+]
Ostegun gauean emakume bat bortxatzea egotzita atxilotu zuten gizon bat larunbatean. Gizona kasua argitu arte zaintzapean dago. Mobilizazioa egin du Itaiak astelehenean 18:30ean, Baionako Herriko Etxean, eta horren erantzukizuna azpimarratu du.
Hamaika eraso Uztaritzeko (Lapurdi) San Frantses Xabierko ikastetxe katolikoan gertatu ziren, beste biak Domintxaineko (Zuberoa) ikastetxe katolikoan eta Angeluko (Lapurdi) San Josepe ikastetxe publikoan. Uztaritzeko ikastetxean ikasitako bost gizonek beren testigantzak eman... [+]
Prentsaurrekoa eskaini dute ostegun honetan Marc Aillet Baionako apezpikuak, elizbarrutiko hezkuntza katolikoko zuzendari Vincent Destaisek eta Betharramgo biktimen entzuteko egiturako partaideetarikoa den Laurent Bacho apaizak. Hitza hartzera zihoazela, momentua moztu die... [+]
Antifaxismoari buruz idatzi nahiko nuke, hori baita aurten mugimendu feministaren gaia. Alabaina, eskratxea egin diote Martxoaren 8ko bezperan euskal kazetari antifaxista eta profeminista bati.
Gizonak bere lehenengo liburua aurkeztu du Madrilen bi kazetari ospetsuk... [+]
11 adin txikikori sexu erasoak egiteagatik 85 urteko kartzela zigorra galdegin du Gipuzkoako fiskaltzak. Astelehenean hasi da epaiketa eta gutxienez martxoaren 21era arte luzatuko da.
Matxismoa normalizatzen ari da, eskuin muturreko alderdien nahiz sare sozialetako pertsonaien eskutik, ideia matxistak zabaltzen eta egonkortzen ari baitira gizarte osoan. Egoera larria da, eta are larriagoa izan daiteke, ideia zein jarrera matxistei eta erreakzionarioei ateak... [+]
Elizak 23 kasu ditu onarturik Nafarroa Garaian. Haiek "ekonomikoki, psikologikoki eta espiritualki laguntzeko" konpromisoa adierazi du Iruñeko artzapezpikuak.
15 urteko emakume bati egin dio eraso Izarra klubean jarduten zuen pilota entrenatzaile batek.
Lestelle-Betharramgo (Biarno) ikastetxe katolikoko indarkeria eta bortxaketa kasuen salaketek beste ikastetxe katoliko batzuen gainean jarri du fokua. Ipar Euskal Herriari dagokionez, Uztaritzeko San Frantses Xabier kolegioan pairaturiko indarkeria kasuak azaleratu dira... [+]
Bi neska komisarian, urduri, hiru urtetik gora luzatu den jazarpen egoera salatzen. Izendatzen. Tipo berbera agertzen zaielako nonahi. Presentzia arraro berbera neskek parte hartzen duten ekitaldi kulturaletako atarietan, bietako baten amaren etxepean, bestea korrika egitera... [+]
Martxoak 8a heltzear da beste urtebetez, eta nahiz eta zenbaitek erabiltzen duten urtean behin beren irudia morez margotzeko soilik, feministek kaleak aldarriz betetzeko baliatzen dute egun seinalatu hau. 2020an, duela bost urte, milaka emakumek elkarrekin oihukatu zuten euren... [+]
Neska adingabeari sexu abusuak era jarraituan egin zizkiola frogatutzat jo du Bizkaiko Lurralde Auzitegiak.
1989tik 2014ra, Frantzia mendebaldeko hainbat ospitaletan egindako erasoengatik epaituko dute. 74 urte ditu Joel Le Scouarnec zirujau ohiak, eta espetxean dago beste lau sexu eraso kasurengatik.
Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki,... [+]