Hiru dira dagoeneko Mendizabal apaizaren aurka jarritako salaketak, laugarrena airean da oraindik
Hirugarren gizon batek salatu du Juan Kruz Mendizabal apaizaren aldetik sexu abusuak jasan izana. Salatzaileak azaldu duenez, 1994an sufritu zituen erasoak, haren testigantza argitaratu du Berria egunkariak. Jose Ignacio Munilla Donostiako Elizbarrutiko gotzainak adierazi du sexu erasoei buruzko gogoeta sakona egin behar duela Elizak.
Munillak neurri gehiago hartuko ditu Mendizabalen aurka. Monasterio batean egongo da hemendik aurrera apaiza, eta ezin izango du erlaziorik eduki umeekin, heldu bat aurrean ez bada. Berriak azken salaketaren berri emango zuela jakinda, agerraldia egin du gotzainak ostegun arratsaldean Donostian.
Azaldu duenez, ostegun goizean hartu du bulegoan Mendizabalen abusuak salatu dituen azken gizona. Horrez gain, bi gaztek 2001ean eta 2005ean jasandako erasoen berri ere eman zuen asteartean, Mendizabal uztailetik zigortua zegoen arren. Gaia isilean eraman du Elizak, bi gazteek euren kasua jendaurrera ateratzea erabaki duten arte, azaldu dutenez, “ezkutuan dauden biktima posibleak argitara atera daitezen”. Izan ere, beste kasu posible bat dagoela jakin dute gazteek.
Beraiek kasua argitara ateratzea erabaki izan ez balute, gotzaindegiak gaia isilik gordeko zuela esan du Munillak, eta Mendizabal eliz zuzenbidearen arabera epaitzearen alde azaldu da. Batetik, ohiko justiziarekin “bateragarria” delako, eta, bestetik, delituen iraungitze datak luzeagoak direlako.
“Publiko eginez gero ondorioak ekarriko zituela komentatu zen, prentsa eta abar, eta horrek eragina izan zezakeela nigan”
1994ko uztailean jasan zituen biktimak Mendizabalen sexu abusuak. Burgin (Nafarroa) zegoen, eskaut taldeen udalekuetan. Gau batean nekatuta zegoela eta dendan sartu zela kontatu du. Apaizaren esku bat bere zakila ukitzen nabaritu zuenean esnatu zen. Beste eskuarekin masturbatzen ari zen Mendizabal.
Biktimak esan duenez, apaizari azalpenak eskatu zizkiotenean, hark amesgaiztoren bat izango zela adierazi zuen. Udalekuetatik bueltan, begiraleak gurasoekin elkartu ziren, eta Mendizabalek dena ukatzen jarraitzen zuela ikusita, publiko eginez gero ondorioak ekarriko zituela esan zuten, eta horrek eragina izan zezakeela beragan.
Urteak pasatu eta konturatu egin da gazte edo jada helduak diren beste hainbat izango direla egoera berean, “pertsona berarekin gauza bera sufritu dutenak”. Bere hitzetan, “pentsatzeak ez naizela bakarra izan, horrek are gehiago kezkatu nau, eta indarrak eman dizkit aurre egiteko. Izan ere, ez baitut inolako zalantzarik ni ez nintzela bakarra izan”.
Prentsaurrekoa eskaini dute ostegun honetan Marc Aillet Baionako apezpikuak, elizbarrutiko hezkuntza katolikoko zuzendari Vincent Destaisek eta Betharramgo biktimen entzuteko egiturako partaideetarikoa den Laurent Bacho apaizak. Hitza hartzera zihoazela, momentua moztu die... [+]
11 adin txikikori sexu erasoak egiteagatik 85 urteko kartzela zigorra galdegin du Gipuzkoako fiskaltzak. Astelehenean hasi da epaiketa eta gutxienez martxoaren 21era arte luzatuko da.
Elizak 23 kasu ditu onarturik Nafarroa Garaian. Haiek "ekonomikoki, psikologikoki eta espiritualki laguntzeko" konpromisoa adierazi du Iruñeko artzapezpikuak.
15 urteko emakume bati egin dio eraso Izarra klubean jarduten zuen pilota entrenatzaile batek.
Lestelle-Betharramgo (Biarno) ikastetxe katolikoko indarkeria eta bortxaketa kasuen salaketek beste ikastetxe katoliko batzuen gainean jarri du fokua. Ipar Euskal Herriari dagokionez, Uztaritzeko San Frantses Xabier kolegioan pairaturiko indarkeria kasuak azaleratu dira... [+]
Neska adingabeari sexu abusuak era jarraituan egin zizkiola frogatutzat jo du Bizkaiko Lurralde Auzitegiak.
1989tik 2014ra, Frantzia mendebaldeko hainbat ospitaletan egindako erasoengatik epaituko dute. 74 urte ditu Joel Le Scouarnec zirujau ohiak, eta espetxean dago beste lau sexu eraso kasurengatik.
Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki,... [+]
Lau urteko kartzela zigorra, zazpi urteko inhabilitazioa eta hiru urtez 12 urteko biktimarengandik urruntzeko agindua eman du Gipuzkoako Probintzia Auzitegiak. Neskari 6.000 euro ere ordaindu beharko dizkio erasotzaileak kalte-ordainetan.
Gertatutakoak ez direla kasualitatea azpimarratu dute. Unibertsitateko eremuetan indarkeria matxista gertatzen dela azaldu dute, eta arazoa sistematikoa dela. Protokolo bat eskatu dute erasotuak babesteko. Erasotzaileak inpunitate osoarekin jokatu duela salatu dute.
_2.jpg)
EHUko Errektoretza Taldeak hedabideetara igorritako ohar baten bidez jakinarazi du neurria: "Unibertsitateak baieztatzen du salatu duten irakaslea jada klaseetatik at dagoela eta ez dela fakultatera joango kasua argitu arte".
Adin txikiko neskak 2023an salatu zuen entrenatzaileak hiru aldiz musukatu zuela bere baimenik gabe. Nafarroako Probintzia Auzitegiak Iruñeko epaitegiak ezarritako zigorra baieztatu du. Entrenatzaileak ezingo du harreman zuzenik izan adin txikikoekin inongo lanbidetan eta... [+]
Getxoko Epaitegiak Europa ikastetxeko 4 urteko haurren kasua artxibatu izanaren berri izan dugu aste honetan. Horrek zera galdetzera garamatza: instantzia judizialak, polizialak… prest al daude haurren eskaerei erantzuteko? Benetan babesten al dira gure adingabeak... [+]
Gasteizko Campuseko Filologia Hispanikoko irakasle baten aurkako salaketen berri izan bezain azkar, asanblada irekia egin zuen GUET Gasteizko Unibertsitateko Emakume Taldeak. Aste bakarrean “hamarnaka” salaketa eta testigantza berri jaso dituzte. Irakaslearen... [+]
Sexu-erasotzaile gehienak biktimaren inguru sozialekoak direla eta “kaleko bortxatzaile mamuaren ideiatik” aldendu beharra dagoela nabarmendu du Nafarroako Emakume Gazteen kontrako Sexu Indarkeriari buruzko I. Azterketak. Ikerketak gazteengan jarri du arreta,... [+]