Herritarren itunetik itun nazionalera
Herritarron ituna aurkeztuko du Gure Esku Dago dinamikak larunbat arratsaldean Bilbon milaka herritar batu nahi dituen ekimenean. 2013tik erabakitzeko eskubidearen inguruan bildutako ideia, lan, esperientzia eta proposamenak jasotzen dituen dokumentua da, "itun nazional" baterako hazia.
Erabakitzeko eskubidea oinarri hartuta herritarrak aktibatzeko sortu zen Gure Esku Dago herri dinamikak orain arteko lanaren bilketa egin du. Larunbatean plazaratuko du Herritarron ituna izeneko dokumentu mardula. Ez osorik, zati batzuk baino ez. Jasotzen dituen ideia nagusiak, alegia.
2013tik gaur arteko ibilbidean jasotako esperientziak, gogoetak eta proposamenak biltzen dira itunean. Dokumentua, beraz, herritarrek gizarteko eragile desberdinen esku utziko dute, jarraipena eman diezaioten. Sakonera. "Aurrerapausoak emateko". Gizarteko eragile desberdinen babesarekin "itun nazional bat" adosteko. Eta bide horretan Herritarron ituna eta larunbateko ekitaldia giltzarriak izan daitezke.
2018an zenbait galdeketa egin ostean "olatu honen bukaera" iritsiko da. Gure Esku Dagoren orain arteko dinamikaren amaiera, eta fase berri baten hasiera. Aurrera begira "aukera bakarra" aurreikusten dute Gure Esku Dagoko lagunek: "Erabakitzeko eskubidearen benetako egikaritzantz urratsak ematea".
Galdera herrietatik hirietara eta Euskal Herri mailara
2017a "galdeketen urtea" izan da hainbat herritan. Herrietatik, hiriburuetara eta haratago "benetako galdera egiteko ordua" heldu da. "Euskal Herri mailan prest gaude erabakitzeko?" galderari erantzuteko unea. Horregatik, osatu dituzte galdera ikurrak auzoz auzo eta herriz herri herritarrak bilduz Gure Esku Dago lantaldeetako kideek.
Ekainaren 10ean ere galdera ikur erraldoi bat osatzea dute helburu Bilbon, Euskadi plaza eta Eliptika plaza lotzeko. Bizkaitarrek Eliptika plazan izango dute lekua eurentzat gordeta.
Aurretiaz konpromiso txartel eta puxika bana eskuratu beharko dute bertaratzekoak direnek. Antolaketa eta gastuen ordainketa errazte aldera.
17:30ean galdera ikurra osatu ostean, altuera handian paratuko duten kamerak jasoko ditu irudiak, ordubeteko iraupena izango duen ekitaldia hasiko da. "Ez dela aspergarria izango" aurreratu dute antolatzaileek, eta "barre egiteko aukera" ere izango dela.
Ostegunean, balorazioa
Ekainaren 8an, ostegunean, lau urte beteko dira Gure Esku Dago sortu zenetik eta giza katearen erronka aurkeztu zuenetik. Urteurrenaren harira, lau urteko ibilbidearen balorazioa egingo dute prentsaren aurrean lantaldeko kideek eta larunbatean Bilbora joateko azken deia zabalduko dute, mobilizazioaren inguruko xehetasunak ematearekin batera.
Bestalde, bertan proiektatuko da lehenengoz dinamikaren ibilbidearen laburpen bideoa eta lau urteetan egindakoen txostena banatuko dute.
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]
Trebiñuko herritarrek bizi duten egoera "anakronikoa" salatu zuten igandean.
Frantziako itzuliak duen nazioarteko oihartzuna baliatuko du Gure Eskuk, 'Euskal Herria mundura' izeneko ekimenarekin. Tourreko lehen hiru etapak osoki Euskal Herritik pasako direla baliatuta, "inoiz egin den ikurrinik erraldoiena" zabalduko dute, eta 4.000... [+]
Legealdiz legealdi, estatus politikoaren inguruko eztabaida edo bidea jorratzeko urratsak atzeratzen ari direla azpimarratu du Josu Etxaburu eledunak Eusko Legebiltzarreko batzorde batean: "Konpromisoak eskatzen ditugu hitzetatik harago ekintzak nagusitu daitezen eta herri... [+]
Pirinioetako Bidea ekimena antolatu du Gure Esku-k uztailaren 2rako, Kataluniako eragile sozial soberanista nagusiekin. Asmoa da Atlantikoa eta Mediterraneoa lotzen dituzten gailurrak argiztatuz, nazioarteko komunitateari mezua bidaltzea: irtenbide politiko bat behar dute Euskal... [+]
Asteazkenez bildu ziren Gure Eskuren bozeramaile Amalur Alvarez eta Josu Etxaburu Bakartxo Tejeria Eusko Legebiltzarreko lehendakariarekin. Gure Eskuk Legebiltzarrari dei egin dio erabakitzeko eskubidea arautzeko bidean hainbat konpromiso har ditzan. Uztailaren 2an, Kataluniako... [+]
Higer lurmuturretik Creusera, Atlantikotik Mediterraneora, 300 gailurretatik igarota Euskal Herria eta Katalunia batuko dituen argi-lerro baten bidez herrien autodeterminazio eskubidea aldarrikatuko dute Pirinioetako Bidea ekimenean.
Lehenik, gure errespetua eta begirunea adierazi nahi diegu Koldo Mitxelena berari eta haren senide eta gertukoei. Ez baitu atsegina izan behar, haren izena daraman kultur guneak horrelako kulturaren ikuspegi hertsi eta zentsuratzailearen gune bilakatuta ikustea.