Herri Unibertsitatea egingo da otsailaren 20tik 23ra, ikasleek antolatuta
Herri Unibertsitatearen edizio berria antolatu du Ikasle Mugimenduak, “herritik eta herriarentzat sortutako hezkuntza sistema propioa” aldarrikatzeko, Topatu.eus atarian aditzera eman dutenez. Otsailaren 20tik 23ra egingo da Hego Euskal Herriko hainbat campusetan eta aurten berrikuntzak izango ditu: ekimen nazionala egingo dute Bilboko San Mameseko campusean.
“Zapalduon ahalduntzea ipar izango duen hezkuntza eredu bat eraikitzeko beharra” aldarrikatu du Ikasle Mugimenduak, eta “hitzetik ekintzetara” igarotzea ezinbestekotzat jo du. Horretarako, hiru eguneko iraupena duten jardunaldiak prestatzen dituzte urtero, ildo ugariri lotutako hitzaldi, tailer eta bestelako ekintzekin. Herri Unibertsitatea “kontraboteregune” izatea dute xede.
Ekimen nazionala San Mamesen, iazko erasoa salatzeko
Hauxe aurtengo berrikuntza nagusia: azken bi egunetan Herri Unibertsitate guztiak San Mamesen batuko dira, ekimen nazionala egiteko. San Mameseko campusean batzea, gainera, ez da kasualitatea, iaz Ertzaintza fakultatean sartu eta ikasleak irtenarazi baitzituen. EHUk Herri Unibertsitatea ospatzeko baimenari ezezkoa eman zion, baina ikasleek aurrera jarraitu zuten eta hutsaraztearen arriskuaren jakitun, campusean lo egitea erabaki zuten. Lehenengo gauean bertan Ertzaintza unibertsitatera sartu eta bertaratutako ikasleak irtenarazi zituen.
“San Mamesen gertatutakoa ez dugu ahaztu”, adierazi dute antolatzaileek. Horregatik, ekimen nazionalaren bitartez “jazarpena salatzea” eta “autodefentsarako zein ofentsibarako determinazio sendoagoa erakustea” bilatuko dute.
Asteazkenean izan da aurtengo Herri Unibertsitate nazionalaren aurreneko eguna, Leioako campusean. Ostegunerako ere prestatu dituzte hitzaldi, mahai-inguru eta aisialdirako jarduerak.
Otsailaren 16an eta 17an izango dira aurtengo jardunaldiak, Leioako campusean. Egitaraua aurkeztu dute jada, hitzaldi, mahai-inguru, mobilizazio eta aisialdi jarduerekin. Roberto Fineschi filosofoa, Ani Perez pedagogoa nahiz Ekida arte ekimen sozialista izango dira aurten,... [+]
Aurten ere, "zailtasunak zailtasun", Herri Unibertsitate nazionala izango dela baieztatu du ikasle mugimenduak. Bi egunetarako egitaraua aurkeztu dute jada, hitzaldi, mahai-inguru zein kultur jarduerekin. Gonbidatuen artean izango dira, besteak beste, Ekida kultur... [+]
Jakintza-esparruka banatutako lantaldeetan ikerketa eta trebatze ariketarekin hasiko dira Euskal Herriko hainbat ikasle, “kapitalaren mesedetan ikasiarazten diguten jakintza langile mugimenduaren mesedetan jartzeko”.
Herri Unibertsitatea antolatuko dute otsailaren 17, 18 eta 19 bitartean Gasteizko unibertsitateko ikasleek, aktualitatearen hausnarketa kritikoa burutu eta eztabaidak irekitzeko helburuarekin.
Gasteizko Errektoreordetzak eta Dekanotza taldeak Herri Unibertsitatean aurrera eraman ohi diren itxialdiak debekatu ditu. 1.700 sinadura bildu dituzte eta astelehenean mobilizazioa egingo dute debekua salatzeko.
EHUko Leioako Campusean egingo dute aurtengo Euskal Herriko Unibertsitate nazionala hilaren 27 eta 28an. Hilaren 19, 20 eta 21ean, halaber, Herri Unibertsitatearen ekimenak egingo dira Bilbon, Leioan, Gasteizen, Donostiako Ibaetan eta NUPen. Ondorengo lerroetan dago Herri... [+]
Donostiako Ibaetako Campusean egiten ari dira aurten Euskal Herriko Herri Nunibertsitate Nazionala. Asteazkenean izan ziren lehen hitzaldi eta blokeak eta ostegunean bigarren egunez jardungo dira "gaur egungo hezkuntza sistemarekin amaitu eta guretzat baliagarri izango den... [+]
"Zapalduoi beharrezkoa zaigu elkartzea, eztabaidatzea, ikastea, harremantzea, borrokatzea; klase batasunaren bidez soilik lortuko baitugu desjabetuona izango den unibertsitatea eta harreman sozial berrien eraikuntza". Asmo horrekin abiatu da Herri Unibertsitate... [+]
Bueltan da aurtengoan ere Herri Unibertsitate Nazionala. Jadanik, bost urte igaro dira Herri Uniaren proiektuari ekin geniola Euskal Herriko hainbat kanpusetan. Leioako kanpusean hasi eta zenbait Hego Euskal Herriko kanpusetara zabalduaz, hezkuntza eredu propioa eraikitzea... [+]
Herri Unibertsitatearen edizio berri bati ekin diote Leioako campuseko ikasleek, herritik herriarentzat sortutako hezkuntza eredua bultzatzea helburu. Hiru egunez, tailer, hitzaldi eta eztabaida aberasgarri ugari antolatu dituzte.