Hendaiako eskola publikoko guraso eta haurrek manifestazioa egin dute astelehen goizean, eskolako eraikineko lanetan segurtasuna eta lanak eskola orduetan ez daitezela egin aldarrikatzeko. Ondoren Hendaiako udaletxea okupatu dute, Euskal Irratiek zabaldu dutenez.
Hendaiako eskola publikoko buraso eta haurrek herriko etxea okupatu dute segurtasun + eskatzeko eskolako lanetan pic.twitter.com/h2Fj7d8m5t
— Euskal Irratiak (@euskalirratiak) 19 de septiembre de 2016
Segurtasun gehiago eta lanak ez daitezela egin eskola orduetan eskatzeko manifa eskola publikoan. #Hendaia pic.twitter.com/r44dvaLcXf
— Euskal Irratiak (@euskalirratiak) 19 de septiembre de 2016
Hendaiako eskola publikoko burasoen manifa eta okupazioa, eskolaren zahar berritze lanetan segurtasun + eskatuz pic.twitter.com/20VYNMq80J
— Euskal Irratiak (@euskalirratiak) 19 de septiembre de 2016
Hendaiako eskola publikoaren eraikinean 1,6 milioiko aurrekontua duen obra martxan dago. Orain arte eraikina eskola publikoarentzat izan da soilik baina hemendik aurrera ikastolarekin elkarbanatuko dute: 21 gela sortzen ari dira, hamabi eskola publikoarentzat eta bederatzi ikastolarentzat.
Eskola publikoko guraso talde batek eraikina partekatzearen aurka egin zuten abuztuan. Berriak jaso zituen eskola publikoko gurasoen ordezkari baten hitzak. Haren esanetan, arazoa ez da eraikina ikastolarekin partekatzea, “edozein eskolarekin” baizik: “Ikasleak urtero gehitzen badira, ezingo ditugu jaso datozen haurrak”.
Administrazio Auzitegiak baztertu egin zuen eskola publikoko gurasoen eskaria eta Hendaiako alkate Kotte Ezenarrok azaldu zuen euren proiektua “ondo landua” dagoela eta “hiri erdigunearen erakargarritasuna bultzatuko” duela.