Hendaia euskaraz! hil honen 9an abiatu da. Martxoan arreta berezia eskaintzen zaio euskarari Bidasoa aldeko herri honetan. Ia egunero ekitaldi bat izan da gaur arte eta anitz daude iragarrita heldu den igandera bitarte.
Gaur, “Hendaiako euskara: atzo, gaur eta bihar” lemapean, belaunaldi arteko mintzaldi-eztabaida izanen da, 18:30ean, Sokoburuko Antoine Abadia aretoan. Hendaitz gazteen elkarteak antolaturik. Bi hizlari mintzatuko dira:
– Maitena Duhalde: Hendaiako euskararen berezitasunak.
– Iker Altuna Albisu: Hendaiako gazteen hizkera.
Larunbat eta igandean ekitaldi ugari eta jendetsuenak izanen dira, festa giroan eta haurrentzat bereziki antolatuta.
18an, Euskararen Eguna:
Uda Leku, Akelarre, Mutxiko, Bertsularien Lagunak, AEK, Txiki Txoko, Antxeta Irratia, Baleak, IEKS, Lanetik Egina, GIB eta Ikastola elkarteek antolaturik:
Jokoak eta tailerrak. Pista jokoa familian, Urtxintxa Eskolaren eskutik. Mutxikoak eta dantzak Bertsoak. Ipuinak Xan Errotabehere kontalariarekin. "Barrez Blai" bakarrizketa.
19an, Udaberriko Besta:
“Ttipi ttapa Korrika” ikuskizuna, Pirritx, Porrotx eta Marimotots pailazoek eskainia
Bi egun hauetako ekitaldiak Daniel Ugarte pilotalekuan (Beltzenia) izanen dira.
Hendaia Euskaraz!, Herriko Etxearen antolakuntzaz gain, bertako elkarteen eta udal zerbitzuen eskutik egiten da.
Euskal Herriko lekuen izenen frantsestearen arazoa ez da bakarrik seinale paneletan hizkuntza ez kontutan hartzearengatik izaten, duela zenbait urte hartu helbideratzeari buruzko erabaki baten gauzatzearen ondorioa ere bada.
Azal dezagun, administrazioko hainbat arlo... [+]
Larunbatean ospatu dituzte Ttinka mikro haurtzaindegiaren bost urteak Lakarran. Baxe Nafarroko euskara hutsezko egitura bakarra da, Euskararen Erakunde Publikoaren B ziurtagiriduna.
Maddi Kintanak ekainean aurkeztu du Master Amaierako Lana Bordeleko Unibertsitatearen eta Iker ikerketa-zentroaren laguntzarekin. Gazteen hizkera BAM eta inguruan du izenburu eta Biarritz, Baiona eta Angeluko 18 eta 24 urte bitarteko gazteen hizkera aztertu du. Horretarako,... [+]
“Geldi euskara zapaltzea” lema berriz hartu du Euskal Herrian Euskaraz taldeak larunbatean egin duen prentsaurrekoan. Maiatzaren 17an, esaldi hori Baionako suprefeturan tindatzeaz akusaturik, irailaren 10ean epaituko dute Gorka Roca Torre.
Ikasturte honetan, lehen mailako ehun eskola elebidunetan 5.700 ikaslek ikasiko dute. Bigarren mailan hamasei kolegio eta lau lizeotan 1.600 dira. Zailtasun nagusia aurten ere kolegioan euskararen eta frantsesaren arteko oren parekotasuna erdiestea da.
Uda hasiera. EHZ festibalaren biharamuna (atx, buruko mina). Ikasturte kargatu baten ondotik, hatsa hartzeko gogoa. Burua hustu. Funtsezko elementuei berriz konektatu. Familian denbora hartu, aspaldiko lagunak berriz ikusi eta eguneroko borrokak (pixka bat) pausan eman... [+]
Maddi Kintanak Baiona, Angelu eta Miarritzeko gazteen euskara aztertu du bere tesian. Hitz berriak sortzen dituzte baina baita hitzak beste hizkuntzetatik hartzen ere, besteak beste, interneten eraginez.
"Euskara eta euskal literatura, programaketatik ikasgelara" jardunaldian parte hartu zuen Katixa Dolhare Zaldunbidek. Seaskak eta UEUk antolatu Udako Ikastaroen barne. Bere problematikak horiek ziren: Zer leku du literaturak hezkuntza programetan eta nola landu euskal... [+]
Iñaki Iurrebaso soziolinguistak euskararen egungo egoeraren argazkia egin du Baionan iragan zen Hizkuntz politikari buruzko ikastaroan, muga-gaindiko ikastaroen kari.
Mugaz gaindiko uda ikastaroak abiatu dira astelehen honetan ostiralera arte irauteko Baionan eta Hizkuntza Politika berrirako urratsak Ipar Euskal Herrian aztertuko da.
Aspaldiko aldarrikapena onartu du Frantziako Gobernuak: laborantza lizeo pribatuetan formakuntza elebidunak eskaini ahal izango dira, “esperimentazio pedagogiko” gisa, alegia frantsesez bakarrik ez, euskaraz ere irakatsi ahalko da. Donapaleun eta Hazparnen baliatuko... [+]