Hendaia Parisko Olinpiar eta Paralinpiar Jokoetako prestakuntza gune izendatu dute
2024an Parisen jokatuko diren Olinpiar eta Paralinpiar Jokoetako prestakuntza gune izango da Hendaia. Bertako hainbat azpiegitura erabiliko dituzte bost kirol diziplinetarako: petanka, zazpiko errugbia, eskubaloia, tenisa eta aulkidun tenisa.
2024. urtera bitartean, bost kirol diziplina horietako edozein nazioarteko batzordek erabili ditzakete Hendaiako azpiegitura hauek: Ondarraitz errugbi azpiegitura, Tenis Kluba, Irandatz pabilioia eta Boccia petanka pista.