Hedabideetako langileek elkarretaratzeak egin dituzte, Gonzalezen askatasuna eskatzeko
Euskal Herriko komunikabide eta kazetari ugarik, tartean ARGIAk, Pablo Gonzalezen egoera salatu eta haren askatasuna eskatu dute.
ARGIAko langileek Pablo Gonzalezen askatasuna eskatu dute Lasarte-Oriako egoitzaren aurrean. (Argazkia: Mikel Olabide Zuza / ARGIA CC BY-SA)
Atxiloketatik bi urtera, asteazken honetan hainbat hedabidetako langileek bilkurak egin dituzte beren hedabideen atarietan, besteak beste ARGIAkoek, Lasarteko egoitzaren atarian. Hedabide, kazetari, eta giza eskubideen aldeko erakunde ugariren oihua bat eta bera da: “Pablo askatu!”.
Aste honetako ARGIAn, Gonzalezen egoeraren inguruko erreportajea plazaratu du Xabier Letonak: Inongo frogarik erakutsi barik, bi urte espetxean Polonian.