Isolamendua arintzeko “eta modu dibertigarrian zientziaren inguruko kontzeptuak ikasteko”, apirileko egun bakoitzerako etxean egiteko moduko esperimentu bana proposatzen du Elhuyarrek kaleraturiko taulak: bata haurrei zuzendua, bestea gazteei.
“Puxikaren indarra”, “tapoi magikoa”, “arrautza biluzia”, “aire-kanoi erraldoia”, “airezko suziria”, “ispilu segidak”, “izotz beroa”, “ortzadarra uretan”… Askotarikoak dira proposatzen diren esperimentuak, etxean izan ditzakegun material eta tresnekin egingarriak.
Esperimentu bakoitzaren argibideak jarraitzeko, taulan bertan aurkituko dituzu esperimentuen izenburuak, klik egin izenburuaren gainean eta argibideak zabalduko zaizkizu.
“Lortutako emaitzak #NikEtxeanEsperimentuak traolarekin sare sozialetan zabaltzeko, bideoak igotzeko eta iradokizunak egiteko gonbitea” egin du Elhuyarrek.