Gerediaga eta Berbaro elkarteei esker, 2 eta 12 urte bitarteko umeek literaturaz gozatzeko aukera izango dute Durangoko Azokan. Haur Literatura Aretoak liburutegia eta jolaserako txokoa ditu eta Azokak iraungo duen bost egunetan egitarau propioa eskainiko du. Gaur, 11:30etik 12:30era bitartean Alaitz Muro eta Agurtzane Villate ipuin kontalariek Otsoen kontuak istorioa kontatuko dute eta 14:00etik 16:30era bitartean Antton Irustak eta Enrique Morenteren Mundu zabaleko ipuinak entzuteko aukera izango da.