Politico komunikabideak filtratu du informazioa: eskubide konstituzionala baliogabetuko luke Auzitegi Gorenak, eta horrek erran nahi luke abortua debekaturik daukaten estatuetan eskubidea ez litzatekela bermaturik. Beste behin, AEBetako kaleak hartu ditu abortatzeko eskubidearen aldeko aldarriak.
Donald Trumpen presidentetzaz geroztik epaile kontserbadoreak dira nagusi AEBetako Auzitegi Gorenean eta horren eragina sentitu da: abortatzeko eskubidea zalantzan dago AEBetan, 1973ko Roe v. Wade epaia baliogabetu nahi dutelako. Bizi pribatuaren eskubidean oinarriturik, epaile horiek abortatzeko eskubidea ezabatzeko daukaten proiektua filtratu du Politico komunikabideak. Orain arte, estatuen arauen gainetik dago abortatzeko eskubide konstituzionala; hori horrela, abortua legala ez den estatuetan ere dira haurdunaldia eteteko eskubidea bermatzera behartuak. Auzitegi Gorenak eskubidea ezabatuko balu, estatuen erdiak baino gehiagok galarazten ahalko luke haurdunaldiaren etetea.
Iazko abenduan Mississippi estatuan buruturiko auzi bati buruzko epaia eman beharko du ekainean Auzitegi Gorenak. Horri buruzko dokumentazioa du filtratu komunikabideak.
Joe Biden presidentea abortuaren alde mintzatu da, boto bidez eskubide horren alde egiteko deia zabalduz. Udazkenean dituzte AEBetako Legebiltzarrerako hauteskundeak. Gaur egun, presidente demokrataren aldekoak dira nagusi bi ganberetan –alde tipiarekin Senatuan–. "Aukeratzeko eskubidearen aldeko senatari gehiago beharko ditugu, baita gehiengoa Ordezkarien Ganberan ere, legedia –abortatzeko eskubidea dakarren jurisprudentzia– kodifikatzeko gisan. Horren alde eginen dut”.
Haserrea eta kezka eragin ditu Politico-k zabalduriko berriak eta milaka lagun atera dira karrikara. Emakumeak nagusi, manifestazioak errepikatzen dabiltza AEBetako hirietan.
Besteak beste, New York hirian:
Massive crowd in NYC right now in support of abortion rights pic.twitter.com/GhA1iCD3bs
— Read Becoming Abolitionists by Derecka Purnell (@JoshuaPotash) May 3, 2022
Los Angeles hirian:
At the federal courthouse in Downtown Los Angeles, pro-choice activists are protesting the leaked draft opinion from the Supreme Court to overturn Roe V. Wade and end abortion rights protections. pic.twitter.com/5B3QknrJ0Y
— Vishal P. Singh (they/he) ???? (@VPS_Reports) May 4, 2022
Iazko udazkenean ere biderkatu zituzten protestak, Texas estatuko lege batek ia sistematikoki debekatzen zielako abortatzeko eskubidea.