Taranis gunean egun bakoitzeko erreportaje bat egin du. Jarraian guztiak ikusgai:

1. eguna

2. eguna

3. eguna

4. eguna

5. eguna

6. eguna

Hamburgon istilu handiak izan dira asteburuan. Tim Lüddemann-en argazkiak segidan. Flickr kontu honetan gehiago ikusgai.

Kartel hau egin dute deialdia zabaldu eta David Rinconi elkartasuna adierazteko.

Ostegun gauerdian Hamburgora G20aren aurkako protestetara joandako David Rincon atxilotu zuen poliziak taberna batean afaltzen ari zela, ARGIAk jakin duenez.

Ez dakite Rinconi zer leporatzen dioten. Komisaldegian konfiantzazko abokaturik gabe 18 ordu egin ostean epaile baten aurretik igaro zuten. Atxiloaldia luzatzea erabaki zuen honek eta Jva Billwerder espetxean dago.

G20 bilkura astelehenean amaitu arte ez da jakingo ekintzaile bilbotarrak noiz izango duen epaiketa.

Colour Red Zone manifestazioa 16:00etan hasiko da.

Hamburgoko protestak kontrolatu nahian, bi albiste gaur. Batetik, egun hirian dauden 19.000 polizia agenteei Alemania osoko beste milaka gehituko dizkietela jakinarazi du prentsak.

Bestetik, armadako konboiak kalean ikus daitezkeen irudi hauek ari dira sarean zabaltzen. Ez dago baieztatua Hamburgora doazenik, ondoko herri batean atereak dira.

Bideo honetan laburbiltzen dute goizean hainbat zutabetan norabide ezberdinetan atera den manifestazioan gertatua. Manifestazioaren leloa: Block G20.

Istiluak izan dira protesta baketsuan ari ziren eta polizien artean, azpiko bideoan ikus daitekeenez.

Turkiako presidente Recep Tayyip Erdoganen bizkartzainek horrela agurtu dituzte beren aurkako oihuak egiten ari ziren manifestariak.

Azpiko bideoan ikus daiteke nola dagoen Hamburgoko zerua ostiral goizean. Hiriko hainbat puntutan talde autonomoek luxuzko autoei su eman diete.

Gama altuko hainbat autori su eman diote Hamburgon, goiza hastearekin batera.

Poliziak bortizkeria handiz erasotu ditu manifestariak, ur tanke eta guzti. Oraingoz hamar atxilotu eta ehunka zauritu daude, baina kopuruek gora egingo dute datozen orduetan, protesta gehiago iragarri baitituzte.

Die Polizei trägt die Demonstranten weg. Weiter wasserwerfer #BlockG20 #G20Summit pic.twitter.com/viGPntdN93

— joachim plingen (@Aichelpete) July 7, 2017

Gatazken irudi ikusgarriak ugari utzi dituzte:

Tentsioa handitzen ari da arratsaldean Hanburgon eta polizia modu ikusgarrian ezarri da kaleetan, bertatik bidali diguten argazki honen ageri den bezala:

Manifestazioa atera baino lehen ehunka poliziak lekua hartu eta eraso egin diote.

Gaur arratsaldean hasiko da lehen manifestazio bateratua Ongi etorri infernura lelopean. 16etan da hitzordua eta 19etan abiatuko da manifestazio antikapitaslita. Black Block-era batzeko deia egin dute.

Bideo hauekin egin dute manifestaziorako deia.

Webgunean arratsalderako ekintza planaren xehetasunak irakur daitezke.

Poliziak behin eta berriro desegin ditu manifestariek antolatutako akanpadak, eta elkartasuna erakusteko 200 pertsonentzat utziko du harmaila Hanburgoko taldeak. Bere twitter kontu ofizialeaneman du berria taldeak

Yes, we camp! Der FC St. Pauli bietet 200 Schlafplätze für DemonstrantInnen in der Haupttribüne des #Millerntor-Stadions #fcsp #G20HAM 1/5 pic.twitter.com/d8GeH8wrOL

— FC St. Pauli (@fcstpauli) 2017(e)ko uztailak 6

Ezezagunek luxuzko zortzi autori su eman diete gauean.

Hiru helikoptero dabiltza Hanburgoko zeruan hegan.

Hanburgoko kaleetan ibili dira zonbiz jantzitako protestariak.

Honela amaitu da protesta.

Hanburgon munduko herrialde boteretsuenetako ordezkarien goi bileraren aurkako kartel mordoa ikus daiteke. Lotura honetan ikus daiteke bilduma bat. Azpian batzuk adibide gisa.

Poliziak bi aldiz desegin arren, kanpaldia antolatuko dute berriro ere ekintzaileek, bertan lo egin dezaten.

Sud Rails sindiaktuak salatu duenez, Frantziako tren konpainia SNCFk Belgikara edo Alemaniara doazen bidaiarien berri emango die autoritareei.

Jarrera militante edo zadista dutenak identifikatzeko eskatu diete langileei, solidaires webgunean irakur daitekeenez.

"Estatu polizialaren konplize" da tren konpainia beren hitzetan.

G20ak defendatzen duen ereduaren aurrean alternatibak biltatzeko jardunaldiak antolatu dituzte mundu osoko 77 bat eragilek uztaialren 5 eta 6erako.

Pobrezia, esplotazioa, zapalkuntzak, gudak eta naturaren suntsiketa nola gainditu? Eskubide sozial eta demokratikoak eskala globalean nola indartu? Arrazakeria, misoginia eta homofobia nola borrokatu? Nola izan behar du sistema ekonomikoak pertsonen alde egiteko? Izango dira erantzuten saiatuko diren galdera nagusiak.

Egitarau osoa ikusgai dago hemen.

Munduko agintari boteretsuenekiko aurkakotasuna batean eta bestean adierazten ari dira Alemanian. Hemen bilduma txiki bat.

Rote Flora etxe okupa mitikoan.

Hiriko dorretik ikusteko moduko pintaketa

Grafitiak

Bestelako ekintza irudimentsuak

Atzo ilunabarreko irudi hauetan ikus daitezke dozenaka furgoneta atzera eta aurrera kalean.

Ostegunean "G20: Ongi etorri infernura" manifestazioa izango da. Ikusi hemen kartela.

Ostiralean "Koloreztatu eremu gorria" desobedientzia ekintza masiboa deitu dute, segurtasun eremua gainditzen saiatuko dira. Ikusi hemen kartela.

Ostiralerako ere "Hiri Greba" deitu dute. Ikusi hemen.

Larunbatean nazioarteko manifestazioa deitu dute. Handiena izatea espero da.

Sare sozialetan asko zabaltzen ari den argazki honetan ikus daitezke Hanburgoko Poliziak prest dituen dozenaka ur tankeak.

Igandean poliziak suntsitu zuen kanpaldia berriro eraiki dute asteartean manifestariek. Atzo poliziak berriro ere desegin ostean, kargak hasi dituzte kalera atera diren manifestarien kontra. Mobilizazio ofizialak ostegunean hasiko diren arren, kontzentrazio eta manifestazio espontanteoak biderkatzen ari dira azken orduotan.

G20 Hamburg: Police in Germany Have Begun Cracking Down on Demonstrations & Social Gatherings from Unicorn Riot on Vimeo.

20.000 poliziak 38 kilometro karratuko segurtasun gunea defendatuko du, eta 400 lagunentzako behin-behineko atxilotze eremua prestatu dute. Protesten antolatzaileek “estatu poliziala” salatu dute, izan ere, manifestazioak hasi baino lehenago hasi dira polizia kargak. Egongo den errepresioari aurre egiteko, hainbat bizilagunek pegatina gorriak jarri dituzte beraien interfonoetan, manifestariek jakin dezaten bertan babestu daitezkeela.

"Lo egitea ez da delitua" lelopean, antzoki bat okupatu dute hainbat protestarik, gaua pasatzeko asmoz.

Unicorn Riot guneak igotako bideo honetan ikus daiteke Hanburgoko Polizia protestarien kanpaldia desegiten.

Pasa den astean prentsan atera ziren parrandako irudien ostean Berlindik Hanburgora joandako 220 polizia kargutik kendu dituzte. Mozkortu, kale erdian pixa egin, jendaurrean larrua jo eta pistolekin jolasten ibili ziren.

Uztailaren 7tik 9ra izango da G20 gailurra Hanburgon eta mundu osoko herri mugimenduek protesta ugari deitu dituzte. Poliziak kapitalismoaren kontrako kanpaldi bat desegin zuen igandean.

Protesta eta gatazka ugari sortzen da urteroko goi bileretan, herri mugimenduek deituta mobilizazioen karietara. Aurten ere hilabeteak daramatzate Alemaniako eta mundu osoko mugimenduak mobilizazioak iragartzen, NoG20 nazioarteko plataformaren bitartez.... [Jarraitu albistea irakurtzen]