Duela urtebete jarri zen abian Hamaika Bilbo Telebista. Euskaltelen zuntz optikoarekin, haren seinalea EAE osora heltzen zen, eta orain, Donostialdean LTD bidez ere ikus daiteke, 23. kanalean. Hasiera batean, Bilboko Hamaika Telebistaren programazioa eskainiko dute, baina udarako programazio propioa izango du Donostiako Hamaika Telebistak. Donostian, Zarautzen, Tolosan, Andoainen, Astigarragan, Hernanin, Urnietan, Lasarte-Orian eta Usurbilen ikusi ahal da.