Ziburuko auzapeza: “Manifestaziora Espainiatik etorriko dira autobusak, ez dira ziburutarrak”
Berriak argitaratutako elkarrizketan hitz adierazgarriak atera dizkio Guy Poulou Ziburuko auzapezari Nora Arbelbidek. Euskararen eta ikastolen aldekoa dela dioen arren, ez du “betebehar moralik sentitzen” Kaskaroteneari herri barruan leku bat uzteko.
Administrazio auzitegira eraman zuen Poulouk Ziburuko ikastola, eta ordutik egunean 100 euro ordaintzen ari dira Marinela gunean jarraitzeagatik. Joan den astean argindarra moztu die bertako haurrei. “Elektrizitatea moztu behar genuen. Berogailuak piztu behar dira. Alimaleko eskola daukagu, eta elektrika linea doi bat justua”, justifikatu du.
Kaskarotenean argindar sorgailu bat jarri dute martxan behin behinean. Aste honetan deiak jaso ditu Poulouk ikastolatik, sorgailuak ateratzen duen harrabotsa jasanezina dela esanez. Begiratzera joan, eta ez duela “hainbeste harrabots egiten” esan du auzapezak. “Pixka bat puztu dute”.
Eskola publikoko eta ikastolako haurren eskubide desberdintasunaz galdetzean, “eskola publikokoak eskubide osoz” daudela hor adierazi du, eta besteak “eskubiderik gabe”. “Auzitegiak esan die joateko”, gaineratu du Poulouk.
“Ez da euskararen aurkako diskriminaziorik”, azpimarratu du. Bere ustez, murgiltze sistema da molderik seguruena haurrek euskaraz ikas dezaten, eta ikastolak izan daitezen “militatzen” duela ere esan du elkarrizketan.
Zaldi Xurito auzoan autobidetik hurbil dagoen eraikuntza proposatu dio auzapezak ikastolari, eta horiek eskaintza baztertzea “Seaskako arduradunen hautu politiko bat” dela uste du. Zenbaitek euskara “ideia politiko jakin batzuk bultzatzeko” erabiltzen dutela dio. “Lehen ikastolak ezagutu ditut: militante txikiak bilakarazten zituzten horko haurrak”.
Kaskaroteneako haurren egoerak “hunkitzen” duela dioen arren, ez dago baldintza asko onartzeko prest. “Apoak irensteko prest banago ere, ez dira handiegiak izan behar”.
Larunbateko manifestazioa ez dela bera konbentzitzeko aski izango ulerterrazi du. “Badakit nondik etorriko diren. Autobusak etorriko dira Espainiatik. Ez dira ziburutarrak”.
Hastapen gogorrak izan ziren Ziburuko ikastolarenak: Herriko Etxearekin adostutako eraikinetik bota nahi izan zituen auzapezak eta argindarra moztu zien, Polizia bidaltzearekin mehatxatu, isuna ezarri… baina elkartasun uholdea jaso zuen Kaskarotenea ikastolak eta aurrera... [+]
Ziburuko auzapezak jarritako oztopei aurre egitea lortu dute Kaskarotenea ikastolako kideek. Asteazkenean hasiko dute ikasturtea haurrek ikastolaren eraikin berrian.
Igande honetan, maiatzaren 10ean, Herri Urrats 32. ekitaldia Senpereko lakuan. Ospakizunean bildutako dirua Ziburuko ikastola berria eraikitzeko izanen da.
Ez da inolako akordiorik lortu Ziburuko Kaskarotenea Ikastolaren eta Herriko Etxearen artean. Seaskak, Kaskarotenea Ikastolak, behin eta berriz azpimarratu du ikastolak zerbitzu publikoa eskaintzen duela, euskaraz ikasteko aukera emanda herriko haurrei. Laida Mujika ikastolako... [+]
Kaskarotenea ikastola Ziburun mantentzeko 300.000 euroko balioa duen lursail bat erosiko du Seaskak. Herri Urratsen bilduko den dirua erabiliko dute gastu horri aurre egiteko.
Ziburuko udaletxeko batzarrean, Guy Poulou auzapezak Ziburu Biziko zerrenda buru Eneko Aldanari mehatxu egin dio: "Eskopeta batekin joan eta tiro egiteko gogoa daukat". Bideoz ikus daiteke unea, 2:23:00 unean.
Seaskaren arabera 6.000 lagun bildu ziren azaroaren 8an Ziburun, Kaskarotenea ikastolako haurrek euren herrian eraikin duin batean ikasi ahal izatea aldarrikatzeko. Baina manifestazio jendetsuak ez duela hunkitzen argi utzi zuen herriko auzapezak egun batzuk lehenago Berrian:... [+]
Seaskaren arabera 6.000 lagun bildu ziren azaroaren 8an Ziburun, Kaskarotenea ikastolako haurrek euren herrian eraikin duin batean ikasi ahal izatea aldarrikatzeko. Baina manifestazio jendetsuak ez duela hunkitzen argi utzi zuen herriko auzapezak egun batzuk lehenago Berrian:... [+]
Ziburuko auzapezak Zaldi Xurito auzoko eraikina proposatu dio Kaskarotenea ikastolari. Jon Bergarak bertako irudiak bildu ditu bideo honetan. Inguru heze eta aldenduan kokatzen da, eta autoen zarata etengabekoa da, autobidetik hurbil baitago.
Seaskako 31 ikastolek ostiralean argirik gabe emango dituzte klaseak 11:00etatik 12:00etara. Ziburuko ikastolari elkartasuna adierazi nahi diote horrela, bertako haurren egoera irudikatzeko eta, bide batez, argindarraren ekarpenaz jabetzeko.
Laida Mujika Ziburuko Kaskarotenea ikastolako zuzendaria da. Haurrak Marinela gunetik kanporatu nahi ditu Ziburuko auzapezak. Egunero 100 euroko isuna ordaintzeaz gain, argindarrik gabe daude orain. Denbora gutxian zenbat gertakari jazotzen diren ikusita, “astez aste... [+]
Zorrak eta isuna ordaintzen laguntzeko, 10.000 euro bideratuko ditu Udalbiltzak Kaskarotenea ikastolarentzat Euskal Garapen eta Kohesio Funtsetik.
Esku-argi edo linternekin eta kandelekin argitu dituzte Ziburuko ikastolako gelak, Guy Poulou auzapezak argindarra moztu ostean. Leku egoki bat aurkitu arte ez direla bertatik mugituko esan du Laida Mujika zuzendariak. Larunbateko manifestazioari garrantzia eman diote Seaskatik.
Guy Poulou Ziburuko auzapezak bere hitza bete eta argindarra moztu dio Kaskarotenea ikastolari.
Ziburuko ikastolako kideei ohar bat igorri die Guy Poulou auzapezak, Marinela gunean jarraitzen badute, “indar publikoen laguntzarekin” kanporatzeko prest dagoela adieraziz.