Modan jarri da azken urteetan gurutzontzietan bidaiatzeko plana. Turismo ereduaren eta kutsaduraren inguruko eztabaidak ere gora doaz eta itsasontzi hauek eragiten dutenaren inguruko zalantzak ez dira salbuespena.
Itsasoa zeharkatu, portu ezagunenetan geratu, egun erdi batez hiriko txoko turistikoenak bisitatu, eta buelta luxuzko itsasontzira. Baina zenbat energia behar dute barkutzar horiek mugitzeko? Zer eragin du ingurumenean eta pertsonongan?
Lurrean debekatutako erregaia
Gurutzontziek fuel oil erregai pisutsua erabiltzen dute motorrak martxan jartzeko. Autoek edo kamioiek erabili ohi duten diesela baino 100 bider toxikoagoa da, erregai honek baino 3.500 aldiz sufre gehiago baitu. Fuel oil erregaiaren erabilera lurrean debekatuta dago, hondakin arriskutsua da eta oso tratamendu garestia du.
Normala baino 200 aldiz partikula ultrafin gehiago
NABU Alemaniako talde ekologistak gurutzontzi batean egindako neurketek argitara atera dute horrelako itsasontzi batean normalean topatu ohi direna baino 200 aldiz partikula ultrafin gehiago daudela. Erabilitako erregaiaren ondorio da hori. Ingurumenerako bezala osasunerako oso kaltegarriak dira partikula hauek, eta aire hori arnasten dute momenturo bidaiariek. NABU taldeko bozeramaile den Daniel Riegerrek dioenez, “gurutzontzien industriak uko egiten dio erregai garbiagoak erabiltzen hasteari eta erabiltzen dituzten erregai horientzako lurrean aspalditik erabiltzen diren filtroak jartzeari”.
Hainbat eragilek eskatzen dute Azufre Isurien Kontrolerako Guneak jartzeko Europa iparraldeko hainbat lekutan egiten den bezala, oso kutsakorrak diren gurutzontziei portuetarako sarrera debekatzeko.
Portuan motorrak piztuta izaten dituzte barku hauek barruan eskaintzen dituzten luxuzko zerbitzu guztiak martxan jarrai dezaten, eta beraz, airera botatako partikulek ez dute etenik.
Milaka kotxek adinako kontsumoa
Gurutzontzi konkretu batzuen azterketak egin dira, eta esaterako, 2016. urtean Bartzelona portu izan zuen Harmony of the Seas munduko gurutzontzi handienak 8.638 kotxek isurtzen duten CO2a botatzen du airera, 421.000 ibilgailuk adina NOx eta 376 milioi autok bezainbeste azufre, El Pais egunkariko albistean irakur daitezke datuok.
Turismo masiboak kolpatutako hainbat hiritan protestak eta eztabaidak ez dira oraintxeko kontua, eta Bartzelona da horietako kasu bat. Ara.cat egunkari katalanak argitaratutako albiste honetan kutsaduraren inguruko beste hainbat datu ere ikus daitezke.
Kataluniako erkidegoko azken hauteskundeetatik eta Europako Parlamenturako bozen emaitzetatik abiatuta, presio turistiko handiena bizi duten Herrialde Katalanetako herrietan eskuin muturraren botoak nola egin duen gora aztertuko dugu artikulu honetan.
Ordenagailua itxi, txankletak jantzi, eguzki-kremaz laztandu. Nora zoaz oporretan? Oporrak egitea nonbaitera joatea dela normalizatu dugu, deskantsuak distantzia behar duelako, diogu. Eta bidaia egitean, turista bilakatuko gara, izendapen aldaketak deserosotasun bat sortzen... [+]
Donostiako Alde Zaharreko taberna askoren pintxoak alde zaharrean sartzeko baimena duen furgoneta batean datoz zerbitzua ematera. Beste tabernetan, prestatzen duten tortilla patata pintxoa jateko, goizeko furgoneta alde zaharrean sartzen den orduan ilara egin eta txanda hartu... [+]
Etxebizitza turistikoen aurkako kalejira egin dute Zaharraz Harro! jaien barnean, Auzoan Bizi etxebizitza sareak antolatuta. Etxebizitzarekin “negozioa” egiten dituztenak salatu dituzte, bereziki Gustavo Antepara PPko zinegotzia, eta beren atarietan etxebizitza... [+]
"Kaleetatik ezin pasa", hondarribiarrak "masa turistiko honen guztiaren ondorioak pairatzen" ari direla-eta, turista taldeak 25 pertsonara mugatzeko mozioa aurkeztuko du udaleko alkatetza duen Abotsanitz alderdiak: "Azken urteetan agintariek bilatutako... [+]
Donostiako hainbat auzo elkarte eta gizarte mugimenduk osatzen duten Donostia Defendatuz koordinadorak antolatuta, hiri eredu bizigarri baten aldeko manifestazioa egin dute igandean ehunka lagunek. 42 talde sozial eta auzo elkartek egin dute bat deialdiarekin, eta 12:00etan... [+]
Igande honetan egingo dira hauteskundeak Katalunian, maiatzaren 12an. Procésaren ondorenak eta Carles Puigdemonten balizko itzulerak estali ditu zenbait mintzagai. Baina abian dira bi proiektu erraldoi eta esanguratsu, biak ala biak turismoari estuki lotuak: Hard Rock... [+]
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.
Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.
Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.
Donostiako Parte Zaharrean turistei zuzendutako saltoki eta ostalaritza guneak bizilagunei eragindako kalteen eragile nagusiak direla adierazi du Bizilagunekin plataformak.
Delta hegal eta parapente hegaladiak proposatzen dituen Bidasoa Arxuria Group enpresa pribatuaren onurarako eraiki nahi dute errepidea. Zugarramurdiko eta Sarako herritarrak eta hautetsiak aurka badira ere, errepidea egitearen alde bozkatu berri du Baztango Udalak.