Etxarrin herritarrek izandako jarrera txalotu du Amnistiaren Aldeko Mugimenduak
Ehunka lagun elkartu ziren joan den larunbatean Etxarri Aranatzen Amnistiaren Aldeko eta Errepresioaren Aurkako Mugimenduak deituta gaixo dauden presoak aska ditzatela eskatzeko. Guardia Zibilak agente asko bidali zituen herrira, Carmen Alba Espaniako Gobernuko ordezkariak manifestazioa debekatu ostean.
Debekuari errekurtsoa jarri zioten deitzaileek eta erantzun ofizialik jaso ez zutenez, mobilizazioa egitea erabaki zuten. Oinez hasi eta berehala, Guardia Zibila manifestarien kontra oldartu da ke-potoak jaurtiz. Ahotsa.info-k jasotako irudiotan ikus daiteke nola jardun zuten.
Gertakarien ondoren, Amnistiaren Aldeko Mugimenduak salatu du isilarazi egin nahi izan dituztela. Nolanahi, mugimenduak txalotu egin du herritarrek izandako jarrera, “zailtasun eta inposizio guztien gainetik askatasunerako bidea egiten jarraitzeko prest” agertu zirelako. “Ez dezagun ahaztu beste garai batzuetan herri honek kartzeletatik atera dituela hainbat kide gaixo borroka eta mobilizazio sozialaren bitartez”.
Bi gose greba martxan
Ohar berean informatzen denez, 20 eguneko gose grebaren ondoren Joxean Kortadi preso ohiak bukatutzat eman zuela bere baraualdia. “Gorputzak nahikoa dela esan dio, eta guk esan nahi diogu nahikoa eta soberan izan dela herri hau berriro martxan jartzen laguntzeko”.
Fernando Lizeagak, duela hiru astetik gose greban den beste preso ohiak, jarraitzeko asmoa duela azaldu du Amnistiaren Aldeko Mugimenduak. Era berean, gogora ekarri dute Huelvako espetxean txandaka egiten ari diren gose grebaren baitan, Patxi Ruizek laugarren eguna bete zuela igandean. Bestalde, Valenceko espetxean dauden Aletxu Zobaranek eta Ibon Goieaskoetxeak 28 egun bete zituzten atzo komunikazio-greban.
Eleak-Libre mugimenduak ere larunbatean gertatutakoa salatu du eta manifestazioaren debekua adierazpen askatasunaren aurkako eraso gisa definitu. Etxarri-Aranatzen Guardia Zibillak egin duen interbentzioak eskubide zibil eta politikoak urratzen dituela adierazi dute ohar baten bitartez.
Manifestazioa datorren igandean Donostian
Sortuk ohar baten bidez Guardia Zibilaren karga salatu du "aldarrikapen zilegi baten aurka erabilitako bortizkeria" dela nabarmenduz. Amnistiaren Aldeko Mugimenduaren estrategiarekin bat egiten ez duen arren, alderdi abertzaleak Espainiako indar polizialen "errepresioa" kritikatu du.
Igandeak utzi du euskal preso politikoekin lotutako beste albisterik ere. Hamarnaka preso eta errefuxiatu ohik deituta, euskal presoen eskubideen aldeko manifestazioa egingo da Donostian datorren igandean, hilak 11. Bulebarretik abiatuko da martxa 13:30ean.
Presoak kalera ateratzeko prozesu adostu bat martxan jartzearen alde egin dute manifestazio honen deitzaileek, “Espainiak eta Frantziak euskal presoak gatibu dituzten bitartean” normalizazioa eta bake bidea ezinezkoa izango dela argudiatuz.
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.
Europar Batasunak presoen zigorren bateratzea erabaki zuen 2008an. Espainiak ez zuen agindu hori bete. Legearen erreforma etorri da, orain. 52 presori eraginen die neurriak. Sare elkarteko kide Mikel Mundiñanok xehetasunak eman dizkigu Metropoli Forala saioan.
Hori da ostegun honetan Sare elkarteak adierazi duena. Azken unera arte saiatu dira legearen erreforma gauza ez zedin, baina azkenean ez da berriz Espainiako Kongresuan bozkatu behar, PPk nahi zuen moduan. Hortaz, aste honetan bertan legea Espainiako Aldizkari Ofizialean... [+]
Heldu da eguna: espetxetik aterako dute Ihintzaren aita. Une horixe du irekiera Eztizen Artolaren (Bilbo, 1999) Gurpilak eleberriak (Txalaparta, 2024). Hortik egingo du atzera, aita bisitatzeko kartzelara egiten dituen joan-etorrietan haur motxiladuna hazten, egoeraz jabetzen... [+]
Zalapartak zalaparta, eta Espainiako Senatua gainditu ondoren, Europako zigorrak bateratzeko lege aldaketak aurrera jarraituko du. Horrela, 2008an zigorrak bateratzeko Europak onartutako zuzentarauari Espainiak 2014an jarritako salbuespena desagertuko da, eta horrek 45 euskal... [+]
Miguel Angel Blanco PPko zinegotzia bahitu eta hiltzearen ardura politikoa egotzi nahi zioten, baina auzia preskribatuta dagoela iritzi dute epaileek.
Datorren urtarrilaren 11n Bilbon Sare Herritarrak deitutako mobilizazioaren leloa “Behin betiko konponbidea” izanen da, eta urtero bezala milaka lagunen babesa espero du Sarek.
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]
"Jarrera proaktiboagoa" eskatu dio Eusko Jaurlaritzaren Justizia Sail berriari Sarek, abuztuaren 20an egindako prentsaurrekoan. Espetxeetako normalizazioa "oraindik urruti" dagoela salatu dute, ikusita 148 presoetatik "ehun preso baino gehiago" egon... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.