Greban zeuden 130 banatzaile bota ditu Bimbok
Enpresari egunero 125.000 euroko galera eragitea aurpegiratuta, Hego Euskal Herriko 130 banatzaile kaleratu ditu Bimbo enpresak. Erabakiaren berri posta elektronikoz jaso dute kaleratutakoek. Bi aste daramate greban, fakturazioa murriztuarazi izanak oso egoera zailean jarri dituelako protestan.
Berria egunkariak azaldu duenez, sektore bereko hainbat enpresak bat egitea izan da auziaren jatorria. Orain dela urte bi Panrico eta Donuts markak elkartu ziren. Iazko uztailean, berriz, jabeak Bimbori saldu zion enpresa. Ordurako, Panricoko banatzaileen fakturazioa laurden bat jaitsita zuten, baina hala ere Espainiako Lehia Auzitegiak salmenta baldintzak gogortu zituen, monopoliorik egon ez zedin.
Zehazki, Panricoren moldeko ogia saltzea galarazi zuen epaileak, eta horrek beste %40ko beherakada ekarri zuen fakturazioan. Murrizketa biek ataka zailean jarri dituztela salatu dute langileek. Autonomoak izanik furgonetak, BEZa eta bestelako gastuak ordaindu behar dituzte, eta salmentengatiko komisioak besterik ez dute kobratzen, Gasteizko Andre Mari Zuriaren plazan egindako elkarretaratzean azaldu dutenez. Kontuan izan behar da autonomoak izan arren kontratuak behartu egin dituela enpresa bakarrerako aritzera.
Orain aste bi hasi ziren greba Hego Eukal Herriko, Errioxako eta Aragoiko banatzaileak, eta orain kalean uzta erabaki du enpresak. Langileak ordezkatzen ari den LAB sindikatuak epaitegietara jo du dagoeneko, berriro har ditzatela eskatzeko.
Lakuak bere eskumenei muzin egin die berriro langile publikoen dekretua Madrilen onartu aurretik??Hiru urtean, EAEko langile publikoek erosahalmena %6 galdu dute, sindikatuaren aburuz.
Eskakizun nagusienen artean plantilla handitzea, hitzarmen berri bat lortzea eta atseden egunak errespetatzea jaso dituzte ELAk eta LABek. Grebak ez du eragingo eguneroko suhiltzaileen zerbitzuan, baizik eta langileen atseden-egunetan bakarrik, Diario de Noticias de... [+]
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Aurreko gobernuak proposamen horiei “bizkar emanda” eta “entzungor” eginda jardun duela salatu du. Eusko Jaurlaritzak iragarritako bilera erroldatan “eskari zehatzak” mahaigaineratuko dituela adierazi du.
Asteazkenean egindako bilkuran, aurreakordioak aldeko 332 boto, kontrako 186, hiru boto zuri eta sei baliogabe jaso ditu. Maiatzeko aurreakordioan izandako desadostasunak gainditu dituzte enpresa-batzordearen gehiengoak eta Biobide enpresak, eta greba mugagabea bukatu dute.
Enpresa-batzordearen gehiengoaren eta Biobideren artean aurreakordioa lortu dute. CCOO, UGT eta LSB alde azaldu dira, eta ELA, LAB eta ESK, kontra. Asteazkenean dira langileen batzarra eta Bilboko Udala akordio hau onartzen duten ala ez erabakitzekoak.
ELA eta LAB sindikatuek “erabat gaitzetsi” dute Añorgako Cementos Rezolak (egun, Heidelberg Materials) 56 langile kaleratzeko egindako proposamena.
Nafarroako hezkuntza hitzarmen berria negoziatzea exijitu die Nafarroako Hezkuntza kontseilariari, Carlos Gimenori, Iruñean eginiko mobilizazioan. Langileek salatu dute Gimeno, patronalarekin bakarrik biltzen dela, eta ez dituela aintzat hartzen langileek negoziaziorako... [+]
1958an, emakume baserritarrek Donostiako Erdialdea hartu zuten, esnea saltzea galarazi zitzaiela salatu, eta baserritarren eskubideak aldarrikatzeko. Administrazioak esnearen esklusibotasuna Gurelesa enpresari eman zion, eta baserritarrek Bretxan saltzeari utzi behar izan... [+]
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.