Gose greba hasi dute Fresneseko euskal presoek Itziar Morenoren isolamenduarekin bukatzeko
Gose greba mugagabea hasi dute Fresneseko espetxeko gizonen moduluan dauden euskal preso politikoek. Itziar Morenoren isolamendua salatzeko hasi dute protesta.
Bizi baldintzak hobetzeko “planto kolektiboa” egin zuten Fresneseko espetxean dauden zenbait emakumek. 40 lagunek egin zuten bat hamar minutu iraun zuen protestarekin ("patio blokeo sinboliko bat" izan zen Etxeratek azaldu duenez), tartean presondegi horretan dauden Itziar Moreno, Iratxe Sorzabal eta Ekhiñe Eizagirre euskal preso politikoek.
Oinarrizko aldarrikapenak biltzen zituen gutuna ere helarazi zioten espetxeko zuzendariari: higiene falta eta biluzketak salatu zituzten; emakume haurdunen egoera eta preso langileena hobetu behar zirela esan zuten, baita funtzionarioen aldetik tratu hobea jasotzeko eskubidea aldarrikatu ere.
Ekintza horretan parte hartu zuen Itziar Moreno euskal presoari protestaren “bultzatzaile nagusia” izatea leporatu zioten Etxeraten arabera, eta isolamenduan sartu zuten maiatzaren 2an. Hiru hilabeteko zigorra ezarri diote Morenori eta neurri horren kontra Sorzabalek eta Eizagirrek ere zigor ziegara eraman ditzatela bultzatu dute Etxeratek informatu duenez.
Gizonen moduluko presoak gose greban
Itziar Morenoren egoera bukatzeko helburuz, astelehenean jakin da gizonen moduluan dauden Saul Curto, Ugaitz Errazkin, Xabier Goienetxe, Oier Ibarguren eta Enrique Lopez presoek gose grebari ekin diotela. Izaera mugagabea du gose grebak eta astelehenean hasi da.
Itziar Morenoren lagun eta senideek Fresneseko espetxeko zuzendariari gutunak "masiboki" idazteko deia egin dute, Itziarren isolamenduaren etetea eskatuz. Horretarako, beheko irudian dagoen gutuna betetzeko deia zabaltzen ari dira, “Je soussignè(e)”-ren ondoren norberaren izen-abizenak jarriz, behekaldean sinatuz eta data osatuz.
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.
Sare Herritarrak antolatuta, pasa den urtarrilaren 11n Bilboko kaleak bete zituen manifestazio jendetsuaren ondoren, berriz sortu da eztabaida, euskal presoei salbuespen legeriarik aplikatzen ote zaion. Gure iritzia azaltzen saiatuko gara.
Espetxe politikan aldaketa nabarmena... [+]
Irakurlea dagoeneko jakitun dateke Euskal Herrian askatasunaren alde egon den eta dagoen gatazka politikoaren ondorioz urte luzetan kartzelan, erbestean edota deportazioan bizi behar izan duten euskaldunak, etxerako bidean, beren bizitza berregiten hasteko izaten dituzten... [+]
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioak. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]
Larunbat honetan egingo da Bilbon euskal preso politikoen aldeko urteroko manifestazioa. Gero eta preso gutxiago dago, baina 2011n ETAk bere jarduera armatua eten zuenean inork gutxik irudikatuko zuen handik hamabost urtera oraindik gatazka haren ondorioz espetxeratutako... [+]
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Datorren larunbaterako, urtarrilaren 11rako, Sare Herritarrak euskal presoen eskubideen aldeko manifestazioa deitu du, beste urte batez, Bilbon. Aukera paregabea da gure herriarentzat elkarbizitzaren bidean aurrera egiteko, hainbat hamarkadatan liskar bortitzetan murgilduta egon... [+]
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]