Laudioko Udalak adierazi du Pablo Gorostiaga alkate ohiari herriko jaietako pregoia esateko debekua Euskal Herriko eta Laudioko errealitatetik at dagoela.
Erabakiari men egingo diotela gaineratu du Bilduk gobernatzen duen Udalak, baina kritiko agertu dira Gasteizko 1. auzi epaitegiak hartutako erabakiarekin.
Debekuaren ostean, Laudioko jaiei hasiera eman behar zien pregoia bertan behera geratu da Jai Batzordearen erabakiz.
Urquijo Laudioren kontra
Jaien hasiera itsustu du polemikak, Carlos Urquijok, Espainiako Gobernuak EAEn daukan ordezkariak, Pablo Gorostiagaren pregoia epaitegietara eraman ostean, "terrorismoaren biktimen duintasunaren kontra" egiten duela argudiatuta.
Gorostiaga hiru aldiz izan da Laudioko alkate eta orain kartzelan dago, 18/98 auziagatik zazpi urte eta zortzi hilabeteko kondena ezarri baitzioten.
Gorostiagaren pregoia debekatzeko ekinbideak abiatu dituen Urquijo bera ere Laudiokoa da, PPko zinegotzia izan zen. Jon Iñarritu Amaiurreko kideak gogorarazi duenez, bere aita ere herriko alkate izan zen Francoren garaian.
2001 urtean, Urquijo delegatuak Laudioko alkate frankista ohi baten plaka kentzearen aurka bozkatu zuen. Alkate frankista bere aitona zen
— Jon Inarritu (@JonInarritu) August 9, 2013