Segurtasun neurriak indartuta hasi dira finalaurrekoak. Azaroaren 21ean jokatu da lehenengoa Etxebarrian eta 500 lagunetik gora batu dira bertan. Bertsozaleak distantziara, baina bertso egarriz eta txalotzeko gogoz hurreratu dira frontoira.

Kantuan, hurrengo bertsolariak:

Gorka Pagonabarraga Agorria

Ibon Ajuriagojeaskoa Garmendia

Imanol Uria Albizuri

Miren Amuriza Plaza

Onintza Enbeita Maguregi

Paule Ixiar Loizaga Legarra

Lan puntuagarri guztiak egin ostean Gorka Pagonabarraga izan da puntu gehien batzea lortu duena, 529 puntu. Beraz, abenduaren 18an Bilbon jokatuko den finalerako txartela lortu du durangarrak. Horrela geratu dira gaurko puntuazioak:

Gorka Pagonabarraga Agorria........................529

Onintza Enbeita Maguregi..............................518,5

Miren Amuriza Plaza......................................505,5

Imanol Uria Albizuri........................................488

Ibon Ajuriagojeaskoa Garmendia...................441,5

Paule Ixiar Loizaga Legarra...........................434

Zihara Enbeita Gardokik egin ditu gai-emaile lanak gaurkoan. Epaimahaian jardun dutenak Alaitz Etxanobe Bereziartua, Ander Arrien Aspiazu, Ander Txakartegi Basterretxea, Graxi Arregi Leonardo, Joseba Santxo Uriarte eta Miriam Juaristi Urizar izan dira. Itziar Basterretxea Olarreagak egin ditu idazkari beharrak.