Gomazko piloten ordez bestelako jaurtigaiak erabiliko ditu Foruzaingoak
Uda igarota hasiko dira foruzainak bestelako jaurtigailuak erabiltzen, apar biskoelastiko moldagarriz egindako kartutxoak, hain zuzen. Orotara, 35.000 euro inbertitu ditu exekutiboak, egun erabiltzen dituzten gomazko pilotak ordezkatzeko asmoz.
Materialaren hornitzailea zein enpresa izanen den zehazte aldera, lehiaketa publikoa deituko dute. Erosiko duten modelo zein den jakinarazi ez badute ere, Ertzaintzak eta Mossos d'Esquadrak erabiltzen dituztenen antzekoak izan daitezke.
Diotenez, "ez dira gomazko pilotak bezain kaltegarriak", eta "zehatzagoak" dira herritarrak jotzerakoan. Une honetan, era horretako bost jaurtigailu dauzkate foruzainek, eta, aurrerantzean, hemeretzi izanen dituzte. Hala, "behin betiko" desagertuko dira gomazko pilotak.
Diario de Noticias de Navarra egunkariak kaleratutako erreportajean Agustin Gastaminza Nafarroako Barne saileko zuzendari nagusiarekin mintzatu dira. Haren arabera, "jaurtigailu berriak aurrerapena dira gizarte demokratiko bateko herritarren eskubideen defentsan"; izan ere, "zehatzago zehaztu daiteke jo puntua". "Mina sortzea baino ez dute helburu, lesio gogorrak egin gabe", zehaztu du.
Jaurtigaiak ere arriskutsu
Gomazko piloten arriskuak gutxitzeko antzeko neurriak hartu dituzte EAEn eta Katalunian. Ez da kritikarik falta, baina. Teknologia militarrean espezializatutako enpresek garatzen dituzte arma horiek ere, eta herri mugimenduko eragile zenbaitek ezbaian jarri dute askoz seguruagoak direnik. Esaterako, Mossoek ibiltzen duten modeloa granada jaurtigailu baten egokitzapena da.
Diagonal egunkariak Mossoek dauzkaten jaurtigailuen azterketa egin zuen 2013an, horiek dauzkaten arriskuak azpimarratuz -pentsatzekoa da modelo horrek eta Nafarroan ezartzen dutenak antzekotasunak izanen dituztela-. Egunkarian diotenez, apar biskoelastikoz egindako jaurtigai koxkor batek oinez ibili ezinik utziko du herritarra inpaktuaren momentuan bertan. Hurrengo egunean erren jarraituko du. Are gehiago: efektuak handik 45 egunetara ere sumatzeko aukera dago.
Albiste hau Euskalerria Irratian egina da eta CC-by-sa lizentziari esker ekarri dugu ARGIAra.
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]
16 urteko gazte billabonatar batek zauri larriak izan ditu begiaren inguruan, Ertzaintzak Tolosan igande gauean kargatu ostean. Tolosaldeko Atariak informatu duenez, pilotakada bat eman zioten.
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Iñigo Urkulluk asteartean adierazi du "sentitzen" duela Nahuel Gomezi gertatua. Ertzaintzak pilotakada batekin masail-hezurra hautsi zion Sansebastian egunez, lanetik etxera bidean zihoala. Naiz-en galderei erantzunez egin ditu adierazpen hauek, baina gertaera... [+]
Rosi Zarra donostiarra 1995eko ekainaren 30ean hil zen, 58 urterekin, Ertzaintzaren gomazko pilota batek sabelean jo eta zortzi egunera. Amara Berriko Bakearen Usoaren aurrean zauritu zuten, protesta batean istiluak sortu zirenean. Ertzaintzak ikerketa bat abiatu zuen Zarraren... [+]
Kataluniako poliziak inoiz izan duen "barne-ikerketarik handiena" izango dela adierazi du Kataluniako Gobernuko bozeramaile Meritxell Budók, El Mon hedabideak argitaratu duenez.
Oso gertutik jaurtitako pilota baten ondorioz begi batetik erdi itsu geratu zen Aingeru Zudaire gaztea 2012an, greba orokor baten testuinguruan izandako protestetan. Orain, Nafarroako Lurralde Auzitegiak absolbitu egin du pilotakada eman zion Espainiako Polizia.
Espainiar zein Frantziar burges diktadurei adierazpen askatasunak kalte egiten dienean, adierazpen askatasuna eta manifestazioak egiteko eskubideak debekaturik daude Euskal Herrian. Zer esanik ez, faxista ikusgarrienei babesa emateko bada, edozein gaia izanda ere. Matxinada... [+]
2017ko urriaren 1ean Espainiako Poliziak tirokatutako pilotakadaren ondorioz begietako bat galdu zuen Roger Españolek. Iridia zentroak jakinarazi du tiroa egin zuen polizia identifikatu duela. Datuak Bartzelonako epaitegiaren esku jarri ditu.
5 urteko kartzela zigorra eskatzen du Aingeru Zudaireren akusazioak Espainiako poliziaren kontra, gertutik tiro egin zuela argudiatuz. Fiskaltzak aldiz,absoluzioa defendatu du, polizi oldarraldia neurrikoa izan dela defendatuz. Zudairek azaldu duenez, 2012ko greba orokorraren... [+]
Christophe Castaner Frantziako Barne ministroak iragarri duenez, gomazko pilotak tirokatzeko armak erabiltzen dituzten polizia-agenteak larunbat honetatik aurrera bideo-kamera ere eramango dute, arma horiek nola erabiltzen dituzten erregistratuta gera dadin.
Iñigo Cabacasen senide eta lagunek epaiketaren balorazioa egin dute ostiralean Bilboko Kafe Antzokian deitutako prentsaurrekoan. Beraien ahotik kontatu nahi izan diote jendarteari gertatutakoa, baita nola sentitzen diren ere.
Urriaren 15ean ekin zitzaion Iñigo Cabacasen heriotzaren gaineko epaiketari, eta azaroaren 9an amaituko da. Orain arteko saioetan kontrajarri egin dira ertzainen gehiengoen eta kaleko testiguen bertsioak. Asteartetik aurrera adituek deklaratuko dute.