Gipuzkoako kontsumo taldeen festa, 16an Beasainen
Basherri Gipuzkoako kontsumo talde eta kooperatibak biltzen dituen sarearen festa egingo da hilaren 16an Beasainen. Besteak beste, kontsumo taldeetan aintzat hartzen diren irizpideen lanketa egingo dute parte hartzaileek: asteroko otarretan laborariak orotariko barazki ekologikoak eta garaian garaikoak sartzen ote dituen, kopurua edota prezioa egokiak diren, taldeko kideek proiektuan aktiboki parte hartzen duten eta abar.
Goizeko 11:00etan hasiko da festa, babarrun lehiaketarekin. Ordu erdi beranduago hasiko da kontsumo taldeen inguruko eztabaida, eta 14:30ean bazkari herrikoia egingo da. Ondoren, 16:30ean, antzerki emanaldia izango da.
Halaber, egun osoan zehar azoka, saskien zozketa, pintxo dastaketa eta abar izango dira.
