LAB sindikatuak enpleguaren suntsiketa salatu du Donostiako Erdialdean, eta horretarako Askatasunaren hiribidea moztu du protesta gisa.
Protesta honetan LABeko kideek Hego Euskal Herrian eta Gipuzkoan enpleguaren egoera argitzen duten datuak azaleratu nahi izan dituzte, eta azpimarratu dute enpleguaren suntsiketak emakumeei eragiten diela gehienbat.
Enpleguaren egoeraren datuak
LABen datuen arabera, 9.663 langile daude aldi baterako erregulazioan, eta behargin horien %55,1 emakumeak direla azpimarratu dute. Bestalde, 2021eko apirilean 168.727 pertsona zeuden langabezian Hego Euskal Herrian, %56,32 emakumeak. Azkenik, Hego Euskal Herrian 2020. urtean 22.500 lanpostu suntsitu zirela adierazi dute.
Donostiako erdialdera ekarri dugu sektore feminizatuen egoera salatzeko dinamika ekintzailea #FuntsezkoakBeti
Emakumeok* pairatzen ditugun prekaritatea eta enplegu galera salatu dugu. Inor ez dago soberan! pic.twitter.com/71dRPwgMkk
— LAB SINDIKATUA (@LABsindikatua) June 9, 2021
Atzo aldarrikapen bera egin zuten Bilbon, Deustuko zubia moztuz:
Maddalen Dorador, Zerbitzu Pribatuak federazioko idazkaria: "Hau hasi besterik ez da egin. Euskal Herrian borrokak indartzeko garaiak datoz" #FuntsezkoakBeti pic.twitter.com/ooNEFQ2ijQ
— LAB SINDIKATUA (@LABsindikatua) June 7, 2021