Mobilizazioak abian dira Frantziako Estatuan. Goizean lizeoetako ikasle asko kalera atera da. Frantziako Gobernuak gaiaz eztabaidatzera eta kontzientzia hartzera deitu dute. Ikasleek harago joan nahi dute. Bihar larunbatean, nazioarteko mobilizazioek segituko dute karriketan.
Klimaren aldeko nazioarteko mobilizazioa da egun: Friday for the future (Ostirala geroaren alde). Klimaren aldeko grebek eta manifestazioek Frantziako Gobernuaren politika eskasa salatzea dute helburu. Iparraldean ez ezik, Hegoaldean ere, Bilbo, Donostia eta Gasteizen gisa bereko protestak daude goizean. Espainiako Gobernuaren politika ere ez da onetsia.
Fridays for future Pays Basque lemapean babestu dute EELV ekologistek Baionako Herriko Etxe aitzinean goizeko 9etan. Bizi! mugimenduak berriz, Angelun, Cadran biribilgunean, 10:30ean.
Klimaren aldeko nazioarteko egunean Lizeoko ikasleak izanen dira aitzinean: “Ez du balio ikasten jarraitzea jarraitu, etorkizunik ez bada, Gobernuak berak, ez badu deus egiten klimaren egoera larria aldatzeko?”, galdetu dute lizeoetako ikasleek.