Gazteen enplegua Urkulluren diskurtsoan: lanpostuak sortzeko promesatik emigratzea proposatzera
Lan munduan muga fisikorik ez dagoela adierazi du Iñigo Urkullu EAEko lehendakariak, EGI EAJren gazteriak larunbatean eginiko “Enplegua: gure erronka, gure etorkizuna” jardunaldietan. “Enpresen egungo esparrua merkatu globala da”, adierazi du. Bide horretan, atzerrira joatea proposatu die gazteei, “itzultzeko helburuarekin”.
2009an krisi ekonomikoa hasi denetik gizartean jarrera aldaketa gertatu dela adierazi du Urkulluk. Bere esanetan, “iraganean gurasoek harrotasunez zioten beren seme-alabak atzerrira joanak zirela”. Adierazi du enpresen esparrua EAEtik harago doala.
Gaineratu du “heziketa egokitzeko eta etorkizuneko sektore estrategikoak definitzeko” xedez jardun behar duela EAEko gobernuak eta “kalitate altuagoko lanpostuak sortuko dituen herrialde lehiakorrago” baten alde azaldu da.
Urkullu 2012an: "Lanpostuak sortzeko baliabideak jarriko ditugu"
EAJren baitan diskurtso aldaketa nabari da azken urteetan gai honen inguruan. Gazteen enplegua bultzatzeko konpromisoa hartu zuen alderdiak 2012ko EAEko hauteskunde kanpainan. “Guztia gazteen zerbitzua”, esan zuen Urkulluk. Bide horretan, gazteek ikasketak amaitu ostean atzerrira joan beharrik ez izateko lanean jardungo zutela adierazi zuen, 20.000 gazteri lana lortzen laguntzeko neurriak iragarriz: “Lanpostuak sortzeko beharrezkoak diren baliabideak jarriko ditugu”.
Hauteskunde kanpainan lan munduan sartu nahi duten belaunaldi berrien “talentua eta iniziatiba” laudatu zituen orduan Urkulluk, eta horien alde lanean jarduteko konpromisoa hartu, “hitz gutxiago eta ekintza gehiago” iragarriz.
Ia 10.000 gazte joan dira EAEtik
Espainiako Gazteriaren Kontseiluak 2015ean argitaraturiko Gazteria beharrezkoa txostenaren arabera, krisia hasi denetik 9.699 gaztek utzi dute EAE. Egoerak berak 4.410 milioi euroko kostua izango zukeen 2025.urtera bitartean, dokumentuak iragarri zuenez. Atzerriko herrialde batean ekoitzi eta zergak EAEtik at ordaintzeak, hezkuntzan inbertitzen den dirua “xahutzea” dakar, Espainiako Gazteriaren Kontseiluaren esanetan.
Eguerdian gertatu da istripua, 25. kilometroan, Nafarroako Martzilla herriaren inguruan. 2025ean hil den zazpigarren lagilea da.
Langabeen artean, 2.302 pertsona gehiago erregistratu dituzte urtarrilean Hego Euskal Herrian, eta horietatik 2.173 emakumeak dira, Espainiako Lan Ministerioak emandako datuen arabera.
Arratsaldez eta gauez lan egiten duen jendea dagoela argudiatuta, 0-3 urteko umeentzat 24 orduz zabalik egongo diren haur-eskolen beharra planteatu du Espainiako Enplegu ministroak. Erreakzio-katea berehalakoa izan da eta agerian utzi du nola ulertzen dugun kontziliazioa, zeren... [+]
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Arazo mentalak dituztenen kopurua haziz doa, oraindik ere estigma sozial handia dute atzean eta, horri aurre egiteko, buruko nahasmenduren bat dutenak lan mundura bideratzen saiatzen da Elkarkide, Nafarroako Parlamentuan azaldu duenez. Lan horretan jarraitzeko laguntza eskatu du.
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Abenduaren 16an iragarri zuen multinazionalak Nafarroako lantegiaren itxiera. Ekoizpenari “normaltasunez” ekitea eskatu die langileei Ezkirotzeko zuzendaritzak, baina sindikatuek “ezinezkotzat” jo dute. Lan Ministerioak bilera deitu du ostiralerako... [+]
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
-(1).jpg)
The Guardian egunkariak Épernayn (Frantzia) txanpain-industrian aritzen diren migratzaileen egoera aztertu du. Ikerketak agerian utzi ditu luxuzko xanpaina-marken mahastietan lan egiten dutenen baldintza prekarioak eta legez kanpokoak.
