Gazte ekologista bat hil dute Okzitanian protesta betean
Poliziarekin istiluak izan dituzte milaka manifestarik igande goizaldean, Testeteko (Okzitania) paduran urtegi bat eraikitzearen aurka antolatutako protestan.
Nerea Ibarzabal Salegi
2014ko urriaren 27a
Aldarrikapen ekitaldia jai-giroan antolatu duten arren, poliziak manifestarien kontra kargatu du. (Arg: Niooz)
21 urteko gazte bat hil da bertan poliziak jaurtitako gasaren ondorioz, lekukoek adierazi dutenez.
Aldarrikapen ekitaldia jai-giroan antolatu duten arren, poliziak manifestarien kontra kargatu du.
Jendarmeek gaztea bihotzekoak jota hil dela esan dute, eta gorpua istiluak gertatu eta ordu batzuetara aurkitu dutela.
Datozen egunetarako hainbat mobilizazio antolatu dituzte Frantziar Estatuan gertaera salatzeko.