Gazte bat larri zauritua Gasteizen
[Eguneraketa] Gasteizen Xuban Nafarrete izeneko gaztea zauritu du ertzaintzak ahoan pilotakada emanda. Garako kazetari Iñaki Iriondok familiako iturriak aipatuz dioenez, lurrean zegoela, ertzainek ahoan grebako propaganda sartu omen diote eta irensteko esan. Gazteak garuneko isuria du. Osakidetzako iturriek esan dute arriskuz kanpo dagoela zaintza berezietako gelan.
Goizeko kronika
Azken egunotan nabaritzen hasia zen gaur aurkitu behar genuen giroa. Lagun artean, lankideekin eta ia edonorekin komentatzen zena grebaren aldekoa zen nagusiki. Nik gogoratzen dudanez, ez da inoiz horren argi ikusi grebak izan behar zuen arrakasta.
Prentsak dagoeneko istiluren bat (hiru gazteren atxiloketa Gasteizko EHUren campusean) aipatzen zuela altxatu naiz ohetik. Baina aipagarriena jarraipen masiboaren berri izatea izan da. Mercedes-Benzeko lantegi garrantzitsua itxita zegoela aipatzea ez zen ahuntzaren gauerdiko eztula (%90 inguruko jarraipena izan du grebak planta horretan).
Manifestazioa 12.00etan atera behar zen Bilbo Plazatik. Hiriko erdigunera hurbiltzeak ikuskizun bitxia erakusten zuen: kontainerrak botata edota erreta, zakarra lurretik sakabanatuta….
Kolektibo eta sindikatuek martxa propioak zeuzkaten antolatuta, hitzaldiren bat tartean. Egia esan, girotze lan bikaina betetzen zuten elkargunerainoko bidean. Hiri erditik edo alde zaharretik pasatu den edonor, kale ezberdinetatik agertzen ziren zutabe horien lekuko izan da.
Bilbo Plazaren inguruak manifestazioaren arrakasta aurreikusteko aukera ematen zuen. Alde zaharretik zetozen ikasleak, plaza bera betetzen zuten sindikatu ezberdineko banderak… Kaletik bertatik ez zen ikusten jendetza noraino ailegatzen zen, baina zerbait handia zela sumatzen zen. Eguraldi ona, jendarteko giro ona… jaieguna ematen zuen. Baina aldarrikapen eguna da, eta manifestazioak bere bideari ekin dio.
Bide lasaia eta isila. El Corte Ingles-en ingurura hurbildu den arte. Bertan Ertzaintzaren furgoia zegoen, eta ertzain bikote batzuk kalean sakabanatuta. Hortxe hasi dira liskarrak (arraultzak hegan, margo-poteak hormen kontra…). Jendea korrika hasi eta pilotakada hotsak entzuten hasi dira. Bi minutuko tentsioak sutauts usaina eta zutabea bitan banatuta utzi ditu, ertzainek hesi bat osatu baitute.
Zorionez ez da gehiagora iritsi eta manifestazioak aurrera egin du. Hala ere, geroago jakin ahal izan dugunez, karga horretan poliziaren pilota batek gazte bat kolpatu eta ospitalean ingresatu behar izan dute, buruan oso kalte larria zuela.
Hasi eta ordubete inguru geroago, Andra Mari Zuriaren plazara iritsi da. Aspaldi ikusi dudan manifestaziorik handiena (manifestazioaren burua helmugara iritsi denean, haren amaiera oraindik ateratzeke omen zegoen) eta lasaiena izan da.
Manifestazioari buruzko datu ofizialik ez dugun arren, badakigu grebak Araban izan duen jarraipena %66 ingurukoa izan dela, eta hiriburuko bi enpresa nagusienetan jarraipena itzela izan dela (%90koa Mercedes-Benzen eta %65-70koa Michelinen, gaueko txandak kontutan hartu gabe, horietan %100ekoa izan omen baita). Baina manifestazioaren arrakasta baloratzeko ez dugu zertan datu ofizialen esperoan egon behar, horren berri ematen baitzuen etxerako bideak. Manifestazioa amaitzean kanpoaldeko auzoetara daramaten kaleak ikustea besterik ez zegoen, jendez lepo, oinez, garraio publikoa erabiltzerik ez baitzegoen.
Tesia amaituta, pozik dago Lore Lujanbio. Militantziarako denbora gehiago du, besteak beste. Mugimendu transfeministaren erronkez galdetuta, hauek identifikatzen ditu: neoliberalismoak mugimenduaz egin duen apropiazioari heltzea, faxismoaren eta erreakzio heteropatriarkalen... [+]
Garraio publikoaren %50eko deskontuak sei hilabetez luzatuko ditu Nafarroako Gobernuak, 2025eko ekainaren 30era arte. Espainiako Gobernuak garraio-txartelaren kostuaren %30 hartuko du bere gain, eta Nafarroako Gobernuak %20. Aurreko urtearekin alderatuta, 2024ean garraio... [+]
Gutxienez 201 dira 2023ko urriaz geroztik Israelek Gazan hildako kazetariak. Abenduaren 26 honetan hildako azken bostak Al-Quds telebista katean zebiltzan lanean.
.jpg)
2024ean batez beste eguneko 30 migratzaile baino gehiago zendu dira Espainiako Estatuko kostaldeetara iristeko ekinean. 10.457 heriotza errejistratu ditu Caminando Fronteras erakundeak eta "arrastorik utzi gabe" desagertu diren beste 131 ontzi zenbatu ditu. Kopuru hau... [+]
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Via Campesinako ordezkaritza bat Palestinan izan da abenduaren 8tik 18ra, bere kide den Palestinako Lan Komiteen Batasuna-k (UAWC) gonbidatuta. Bidaia horrekin herri palestinarrari elkartasuna adierazi nahi izan diote, "Gazan egiten ari diren genozidioaren erdian eta... [+]
Urtarrilaren 25ean ospatuko dute bertsozaleek urteroko hitzordua. Honakoa Bortzirietako Bertso Eskolak eta Bertsozale Elkarteak antolatuko dute elkarlanean. Goizeko 10:00etan ibilbide bat eginez hasiko da, arratsaldean XXI mende 25 (H)ilbeltz izenburua jarri dioten bertso... [+]
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
NO2 eta PM2.5 partikulak bezalako kutsatzaileei aurre egiteko hobekuntza planik ez dagoela salatu du Ekologistak Martxan elkarteak. Trafikoa murriztea eta airearen kalitatea hobetzeko alternatiba jasangarriak lehenestea galdegin du.
Editore Kurduen Elkarteak abenduaren 22an egin zuen salaketa: azken hiru asteetan Turkiako agintariek kurduei buruzko 120 liburu, aldizkari, egunkari edo bestelako argitalpen debekatu dituzte, Duvar hedabide kurduak jakinarazi duenez.
Garraio publikoak erdi prezioan jarraituko du datorren urtean ere, Espainiako Gobernuak bere hobarien parteari eutsiko diola iragarri ostean.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Kopenhage, 1974ko abenduaren 18a. Eguerdiko hamabietan ferry bat iritsi zen portura eta bertatik 100 Santa Klaus inguruz osatutako taldea lehorreratu zen. Antzara erraldoi bat zeramaten haiekin. Asmoa “Troiako antzara” moduko bat egitea zen, eta, hirira iristean,... [+]