Yala Nafarroa Palestinarekin plataformak antolatutako martxan milaka manifestarik “berehalako su-eten iraunkorra” eskatu dute. Halaber, Espainiako Estatuari exijitu diote Israelekin dituen harreman komertzialak eta diplomatikoak bertan behera uztea.
Nafarroako Gobernu Ordezkaritzaren arabera, 3.500 herritar bildu dira apirilaren 21ean Iruñeko kaleetan. Manifestazioa hasi aurretik, Maitane Melero antolatzaileen ordezkariak adierazpenak egin ditu. Ahotsa.info hedabideak jaso ditu bere hitzak. Melerok Espainiako Gobernuko presidente Pedro Sánchezi eskatu dio nazioarteko zuzenbidea betetzea eta Israelekin harreman diplomatikoak, komertzialak, eta akademiakok haustea, baita kirol eta erlijio harremanak ere. Melerok adierazi du Israel “genozidioa egiten” ari dela, “etengabeko sarraskia”. Horren aurrean, “berehalako su-eten iraunkorra”, “Gazaren blokeoa amaitzea” eta “laguntza humanitarioa berehala sartzea” eskatu du.
Bandera palestinarrak eta giltzak
Manifestariek bandera palestinarrak astindu dituzte eta hainbatek giltza handi erakutsi dituzte. Giltzok palestinarren etxeetakoak irudikatzen dituzte. Palestinar askoren etxeak suntsitu dituzte eta milakari haien etxeak kendu dizkiete.
Manifestazio buruko pankartak zioen: Geldi dezagun genozidioa Palestinan. Yala goazen. Manifestarien artean lelo hauek entzun dira: “Estatu sionista, estatu terrorista”, “Lapurtutako lurrak berreskuratuko dituzte”, “Israeli boikota”, “Non zaude, ez dira ikusten Israeli jarritako boikotak”.
Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]
Aste nekagarri bateko igandea da. Gauza gutxi egiteko, nahiz eta beti egon zeregina etxean, urgentziazkorik ez oraingoan. Dolce far niente-rako aproposa, eguraldia ere dudakoa delako. Etxean geratzeko egun egokia. Herrian, baina, eguerdirako manifestaziora deituta dago Gazaren... [+]
Maiatzaren 11n ospatuko da Suedian Eurovision jaialdia eta Israelen parte hartzeak kritika ugari sortu ditu. Europako milaka artista eta ehunka antolakundek jaialdiari boikota egiteko deia egin dute. Aurten Malmö hirian izango da ekitaldia eta aurreko egunetan, milaka... [+]
Besteak beste, Bartzelonako Unibertsitateko klaustroak Israelekin harreman instituzionalak etetearen alde bozkatu du. Dublingo Trinity College ikasle mobilizatuekin akordio batera heldu da Israelekin “harremana hausteko norabidean lan egiteko”. Ikasle Abertzaleakek... [+]