Last Tour enpresa eta Gasteizko Udala seinalatu ditu erantzule gisa, azken horrek "langileon prekaritatea finantzatzen eta legitimatzen" duela nabarmenduta. Azkena Rocken aritu diren hainbat langileren lekukotzak bildu ditu LASek.
Ostegunean hasi da Azkena Rock makrojaialdia Gasteizen (Araba). Urtero bezala, hiru egunez, 50.000 pertsona inguru elkartuko dira ekitaldi erraldoi horretan. Aurtengo edizioa ere Last Tour enpresak antolatu du, Gasteizko Udalak azpikontratatuta. Jaialdiaren hasieraren atarian, Azkena Rocken soldatapean jarduten duten beharginek jasan behar dituzten miseriazko lan-baldintzak salatu ditu Gasteizko Laneko Autodefentsa Sareak.
Azaldu du nazioarteko makrojaialdi ugari hartzen dituela bere gain Last Tour enpresak; hala nola, Azkena Rock bera, BBK Live, Madrid Live, BIME, Pirineos Sur eta abar. Urtean 100 milioi eurotik gora fakturatzen ditu, "sarritan salatu diren langileen lan-baldintza miserableen kontura".
Jaialdi horietan, 10.000 behargin inguru aritzen dira soldatapean Last Tourren esanetara. Inposatzen dizkieten baldintzen artean hainbat nabarmendu ditu Gasteizko LASek: hamazazpi ordura arteko lan-orduak, orduko 5 eurora ere iristen ez diren soldatak, atzerapenak ordainketetan, lo egiteko eta jateko baldintza negargarriak, lan-arriskuak eta istripuak, kontraturik gabeko jardunak eta abar.
Last Tour bezalako enpresa kriminalei erakunde publikoek ematen diete babes zuzena, besteak beste, horiek kontratatuta. Horixe da Gasteizko Udalaren kasua, 380.000 euro ordaindu baitizkio Last Tourri oraingoan, "espazioa eta mota guztietako erraztasunak" emateaz gain. Beraz, enpresaren nahiz udalaren erantzukizuna seinalatu ditu LASek, azken horrek "langileon prekaritatea finantzatzen eta legitimatzen" duela iritzita.
"Horrelako [Azkena Rock bezalako] ekimenek hiriarentzako aberastasuna dakartela argudiatzen dute, baina ondo dakigu zeintzuk izango diren onuradunak eta zeintzuk kaltetuak", gaineratu du.
Azkena Rocki esker aberastuko direnak, hain zuzen ere, "Last Tour, horren azpikontratak eta hiriko hotel zein jatetxeetako jabeak" izango direla argitu dute LASeko kideek. "Festibaleko langileok, aldiz, inposatzen zaizkigun baldintzak onartzera behartuta gaude, berriz ere kontratatuak izan nahi badugu", jakinarazi dute.
Ohartarazi dute, gainera, ostalaritzako langileak ere izango direla "kaltetuak", "lan-karga askoz ere handiagoa eta mota guztietako abusuak pairatu" beharko dituztelako. "Emaitza argia da: enpresariak aberasten dira eta langile-klasea diziplinatu egiten da", ondorioztatu dute.
Beharginei dei egin diete "jaialdian zehar pairatu ditzaketen abusuei aurre egin" diezaieten eta LASekin batera antola daitezen.
Azkena Rock makrojaialdian lanean aritu diren hainbat langileren lekukotzak bildu ditu Gasteizko LASek, bertan jasan dituzten miseriazko lan-baldintzen berri emateko. Hemen irakur daitezke testigantza horietako batzuk.
Emantzipatu nahi duten baina ezin duten gazteen kopurua gero eta handiagoa da Europar Batasunean. Errealitate hori datutan jarri du Eurofund erakundeak argitaratu berri duen ikerlan batek, eta etxebizitzaren garestitzea da arrazoi nagusietako bat, baina ez bakarra.
Iragan asteko ostegunean zauritu zen larri Bergarako (Gipuzkoa) Embalan 3 lantegiko langilea, zama bat gainera erorita. 2024 urtean hiltzen den 26. langilea da.
51 urteko garraiolariaren kamioia irauli egin da Ejea de los Caballerosen (Aragoi). 2024an hiltzen den 23. langilea da.
Maiatzaren 11n egin dira mobilizazioak eta Euskal Herriko Eskubide Sozialen Kartak, Emakumeen Mundu Martxak eta Gune Ekosozialistak antolatu dituzte. 60 eragile sozial baino gehiagok bat egin dute mobilizazioekin.
Estresa, nekea, antsietatea eta beste dira sisifemiak eragiten dituen zenbait ondorio. Esanahiaz, jatorriaz eta prebentzio neurriez mintzatu da Ziortza Karranza psikologoa.
Asteazkenean eseri dira epailearen aurrean Zorroza Gestión de Residuos enpresako arduradunak, 2020an gertatutako lan heriotzaren harira. Epaileak urtebete eta sei hilabeteko espetxe zigorra eta 30.0000 euroko kalte-ordaina ordaintzea ezarri die bi akusatuei.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.
Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]
Astelehen arratsean gertatu da ezbeharra, Arrasaten, hiru metroko sakonerara erorita.
Ostegun eguerdian gertatu da ezbeharra Cementos Portland enpresan, Olaztin. Urtea hasi denetik 15 langile hil dira Euskal Herrian.
Durangon 47 urteko langilea hil da asteartean eta jadanik istripuz hildako 14. behargina da aurten Euskal Herrian, LABek emandako datuen arabera. Fumbarri lantegiko teilatuan lanean ari zela erorita hil da langilea eta azpikontrataturiko enpresa batentzat ari zen. Sindikatuek... [+]