Subilla Gasteizen ireki nahi duten gas putzua dela-eta kezka agertu du Fracking Ez plataformak
Fracking Ez plataformak kezka agertu du Euskadiko Hidrokarburoak (SHESA), Eusko Jaurlaritzaren menpeko sozietate publikoa, Armentia-2 izeneko gas putzu baterako baimena tramitatzen ari delako. Subilla Gasteizen dago putzu hori, azken urteetan SHESAk fracking teknika erabiltzeko asmoa izan duen leku berean.
“Oraingoan, enpresak dio teknika konbentzionalak erabiliko dituztela, alegia, frackingik ez”, adierazi dute plataformako ordezkariek Gasteizen emandako prentsaurrekoan. Azaldu dutenez, SHESAk ekainean aurkeztu zuen proiektuaren ingurumen-memoria Espainiako Nekazaritza eta Ingurumen Ministerioan.
“Proiektuaren berritasun bakarra ‘fracking’ hitza desagertzea da”, nabarmendu dute Estitxu Villamor eta Luis Casado plataformako kideek, eta azken bost urteotan teknika horren aurka egindako borrokaren fruitutzat jo dute hori: “Borroka horren ondorioz ez SHESAk ez Jaurlaritzak ez inork ez dute frackinga erabili gure lurraldean. Teknika horri emandako arbuio zabal eta erabatekoak Jaurlaritza behartu du bere planak albo batera utzi eta fracking hitza bere hiztegitik kentzera”.
Hala ere, hainbat zalantza agertu dute SHESA tramitatzen ari den baimen berria dela eta. Batetik, Fracking Ez-en ustez ez da sinesgarria hidrokarburoak erauzteko teknika konbentzionalek funtziona dezaketenik, “duela hogei urte porrot egin bazuten”. Plataformako kideek azpimarratu dute hamar urtez frackinga erabiltzera bideratutako lanak egin dituela SHESAk Subillako inguruan, teknika arrunten bidez lortu ez zena frackinga erabilita lortuko zela esanez. “Zenbat diru gastatu dute fracking bideko putzuak planifikatzen, gasa eskuratzeko alternatiba konbentzional bat baldin bazegoen?”, galdetu dute.
Bestetik, gogoratu dute zulatu nahi den putzurako ingurumen-memorian SHESAk dioela frackinga teknika arrakastatsua dela baina EAEn gaur-gaurkoz aplika ezin daitekeena. Ildo beretik mintzatu zen Arantza Tapia Jaurlaritzako Ekonomiaren Garapen eta lehiakortasun sailburua, 2030ra arteko energia-estrategia aurkeztu zuenean. Frackingak oraingoz ez duela ingurumen aldetik segurtasunik nahikorik esan zuen Tapiak.
“Frackinga erabat baztertu dute arriskutsua izateagatik, edo putzu konbentzional hau irekitzea lehen urratsa da geroago, erantzun soziala apalagoa denean, frackinga erabiltzen hasteko?”, galdetu dute Villamorrek eta Casadok.
Energi eredu osoa ezbaian
Nolanahi den ere, frackinga geldiarazteko bost urteko borrokaren ostean eztabaida harago joan da plataformaren ustez: “Jendartea energi eredu osoaz eztabaidatzen ari da dagoeneko”. Hala, zilegitasun sozialik gabekotzat jo dute diru publikoa inbertitzea, frackinga sustatzeko ez ezik, erregai fosilak eskuratzeko edozein proiektu berri abiatzeko, bestek beste klima aldaketan duten eraginagatik.
“Zulatzaileen hiztegitik ‘fracking’ hitza desagertuta, baliteke Fracking Ez plataforma ez izatea Subillako proiektu berri honen aurkako oposizioa dinamizatuko duen tresna”, esan dute azkenik. Iragarri dutenez, datozen egunotan plataforma harremanean jarriko da urteotan frackingaren aurkako borrokan jardun duten hainbat eragilerekin, SHESAren egitasmo berriei aurre egiteko mugimendu berri bat antolatze aldera. Besteak beste, “planetaren mugak aintzat hartuko duten energi eredu baten alde lan egitera bultzatu nahi ditugu erakunde publikoak”.
Krisi energetiko betean, Repsolek 2.539 milioi euro irabazi du lehen seihilekoan. Aurreko urtean, epe berdinean, 1.235 milioi euro irabazi zituen, aurten irabazitakoaren erdia baino gutxiago. Hidrokarburoen prezioaren igoerak bultzatu du besteak beste irabazien puztea.
EAJk eta PSEk Araban azken unera arte proiektua babestu dutela salatu du mugimenduak, eta Madrilen onartutako legeak behartu dituela atzera egitera, baina bestelako “proiektu suntsitzaileak” bultzatzen jarraitzen dutela bi alderdiek. Arabako jendartea lorpenagatik... [+]
Mikel Otero Gabirondo Arabako EH Bilduko legebiltzarkide da 2016. urtetik, eta koalizioaren Ingurumen eta Energia idazkaria. Politika energetikoari dagozkion gaiak hurbiletik jarraitzen ditu, eta horien artean dago Arabako Sunbillako Armentia-2 putzuarena, Gasteizko Udalerrian... [+]
EAJk 85 zuzenketa jarri dizkio Espainiako Gobernuak aurkeztutako aurrekontuei eta dieselaren zergaren gaia jarri du erdigunean, PSOE-UP koalizio-gobernuak jeltzaleen babesa jasotzeko.
Alaskako Artikoko Baso Bizitzaren Babesleku Nazionala petrolio-ustiapenarentzat irekitzeko plan bat onartu du, eta litekeena da urtea amaitu baino lehen kontzesioak esleitzea. Neurri horrek ingurumen taldeen gaitzespena eragin du, eskualdeko biztanleria indigena, animaliak eta... [+]
Greenpeaceko hainbat aktibistak A Coruñako portuan dagoen Medusa ikatz-biltegiaren sarrera blokeatu dute astearte goizean. Modu horretan, bertara zihoan Gas Natural-Fenosa konpainiaren –hura da biltegiaren jabea– kamioi batek bere zama hustea eragotzi dute... [+]
Espainiako Ekologistak Martxan taldeak eta AEBetako hainbat mugimenduk bat egin dute apirilaren 25ean sare sozialen bidez BBVAri eskatzeko Dakota Accces Pipeline oliobide proiektuari finantzazioa ken diezaiola. Barack Obamak oliobidearen eraikuntza geldiarazi zuen 2016ko... [+]
Iazko urrian jakin zen Eusko Jaurlaritza, SHESA sozietatearen bitartez, baimena tramitatzen ari dela gas putzu bat irekitzeko Subilla Gasteizen, hainbat urtez fracking bidez zulaketa egin nahi izan zen lekuan bertan. Haustura hidraulikoa legeak baztertu duen honetan, eztabaida... [+]
Araban, Subillako putzuan hasiriko proiektuari aurre egiteko Berriztu! taldea sortu da. Ingurumenean eta gizartean gasa ateratzeko zulaketek izan ditzaketen ondorioak ezagutaraztea eta proiektu horiek geldiarazteko presio egitea dituzte helburu.
Erregai fosilen ustiaketan liderrak diren multinazional handienak biltzen dira apirilaren 5etik 7ra Biarnoko Pauen MCE Deepwater Development 2016 kongresuan, itsaso sakonetako zundaketa teknikak hobetzeko, klimaren aldaketa konpontzeko egindako COP21 mundu biltzarraren... [+]
NASAko zientzialari ohi James Hansen oso kritiko agertu da Parisen egin zen COP21 bilerako akordioarekin. The Guardian kazetari adierazi dionez, karbono dioxido isuriak murrizteko lorturiko hitzarmena “iruzurra” izan da, “konpromiso hutsalak” besterik... [+]
Raul Zibechi kazetari uruguaitarra chavismoak azken urteotan eramandako bidearekin kritiko agertu da ezkerretik. Azken hauteskundeen bezperetan idatzi du Venezuelari buruz "Cruce de Caminos" artikuluan. Herrialde honetako edozer baldintzatzen duen datu nagusia... [+]
“Parisko Hitzarmenak ez du planeta salbatuko baina klima aldaketaren aurkako gurpila hasi da biratzen, eta ez da gutxi”. Txio batean idatzitako hitz horien bidez laburbildu du Unai Pascual BC3ko ikerlariak COP21 klimaren gailurra. Akordioaren behin betiko testua... [+]
Halakoetan ohi denez, bata bestearen ondoren iragarritako epeak behin betiko akordiorik gabe agortuz doaz Parisko klimaren goi-bileran. Ostiralerako behar zuena larunbat goizerako hitzeman du Laurent Fabius Frantziako Kanpo ministroak. Aldi berean mobilizazio erraldoiak espero... [+]
Aurreikusita zegoen bezala, COP21 klimaren gailurrean adostuko den nazioarteko hitzarmena ez da erabat loteslea izango. AEBek lortu dute akordioaren zirriborroa beren aldera lerratzera: herrialde bakoitzak aurkeztutako CO2 emisioak murrizteko planen betekizuna ez du nazioarteko... [+]