Astelehenean erantzun zabala jaso zuen ekimenak, lau autobus linea osorik bete baitzituzten ordaindu gabe. Bizkaibusek gidariei campusaren kanpoaldeko biribilgune batean itxaroteko agindu zien. Errektoretzatik eskatuta Ertzaintza agertu zen, eta salaketa mehatxuak zirela eta, ekintza amaitu zuten.

Asteartean poliziaren presentzia areagotu zen, eta ikasleek errepidean protesta egin ondoren, Iñaki Goirizelaia errektoreari beraien eskakizunak azaltzera joan ziren. Alabaina, campuseko Segurtasun guardiek ez zieten sartzen utzi.

Gaur 13:00etan elkartzeko deia egin dute Mikel Laboa plazan.

Hiru egoera salatu dituzte ikasleek:

1. Autobusen prezioak altuegiak izatea, bidaiako 1,10 euro eta ikasturteko 350 euro kostua.

2. Bus aldaketak ordaindu beharra.

3. Busak jendez gainezka joatea eta segurtasun neurriak ez betetzea.

Horregatik, bus aldaketak dohainik izatea eta prezioak murriztea eskatu dute, ikasturteko 100 euroko edo bidaiako 0,30 euroko kostua izan deztean. Halaber, puntako orduetako zerbitzuak hobetzeko eta ibilgailu bakoitzean sar daitekeen pertsona kopurua gutxitzeko eskatu dute.