Garoña ez dela berriz irekiko esan die sindikatuei Iberdrolako presidenteak
"Arrazoi ekonomikoak tarteko", Garoñako zentral nuklearra ez dela berriz irekiko esan zien Ignacio Sánchez Galán Iberdrolako presidenteak enpresako sindikatuei, Eldiario.es agerkariak argitaratutako informazioaren arabera. ELAk baieztatu du adierazpen horren berri eman ziela konpainiako langileei, eta Iberdrolari eskatu dio Garoña ixteko erabakia publikoki baiezta dezala.
Joan den ostiralean akziodun batzarra egin zuen Iberdrolak Bilbon, protesta artean. Ohituraz, batzar horren bezperan sindikatuekin biltzen da konpainiako presidentea. Bilera horretan jakinarazi zieten Ignacio Sánchez Galánek eta zuzendaritzako beste bi kidek transnazional bizkaitarrak ez duela Garoña berriro irekitzeko asmorik, ELAk adierazi duenez.
Bi egun lehenago, apirilaren 5ean, zentral nuklearren bideragarritasun eskasaz mintzatu zen Galán. "Zentralak ixten ari dira munduan, eta ez arrazoi politikoengatik, ekonomikoengatik baizik", esan zuen Iberdrolako buruak.
Zenbait iturriren arabera, sindikatuekin egindako bileran, presidenteak esan zuen Iberdrolaren elektrizitate-ekoizpen negozioa defizitarioa dela Espainian. Horren harira Garoñaren geroaz galdetu zioten sindikatuek, eta zentrala "arrazoi ekonomikoengatik" ez dela berriro irekiko erantzun ei zuen Sánchez Galánek.
ElDiario.es-ek gaineratu duenez, Jose Manuel Soria Espainiako Industria eta Energia ministroak esan du ministerioak ez duela jaso Garoña ixteko inolako eskaririk. Haatik, Eusko Jaurlaritzak bazekien Iberdrolak ez duela zentrala berriro irekitzeko asmorik, SER irratiaren arabera. Iberdrolak, berriz, ez du adierazpenik egin oraingoz.
Nuclenor, Garoñaren jabe den konpainia, Iberdrolak eta Endesak osatzen dute erdibana. Nuclenorrek 2014an egin zion eskaria Espainiako Industria Ministerioari zentrala –2012tik itxita dagoena– berriro ireki eta 2031ra arte martxan mantendu ahal izateko.
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.
Ekainean hasi eta hamar urte inguru luzatuko dira Garoñako zentral nuklearra desegiteko lanak. Bi fasetan egingo dira, erreaktorea desegin aurretik igerilekuak husteko. Hondakinen %15 zentralean bertan geratuko da.
Ascoko zentral nuklearrean izandako istripu hilgarriaren biharamunean, Eguzki talde ekologistak salatu du Garoña desegiteko Espainiako Estuak martxoan aurkeztutako desegite proiektuak ez zituen jasotzen "ez neurririk, ez segurtasun-arriskurik, ez esperientziarik... [+]
Segurtasun iturrien arabera, karbono dioxido isuri batengatik gertatu da Ascoko istripua, ez "jarduera erradiologikoagatik". Eguzki talde ekologista eta antinuklearrak ohartarazi du zentral horietan “beste ezeren gainetik, lehentasun nagusia” izan behar... [+]
Garoña itxi zen garaiko ospakizunak urruti daude. Lasaitua hartu genuen gehienok, zentral nuklearraz ahazten has gintezkeelakoan
Eguzkik alegazioak aurkeztu dizkio Garoña desegiteko proiektuari. Talde ekologistak ingurunea eta segurtasuna fase guztietan aztertzea eta ingurunea biziberritzeko plan bat eskatu du, besteak beste.
2012. urtetik geldi dago Garoñako zentral nuklearra eta 2021ean hasiko dira hura eraisten, Espainiako Gobernuak EH Bilduren galdera parlamentario bati erantzunez informatu duenez.
Eraiste-aurreko lanen plangintzan gabezia nabariak daudela adierazi du Segurtasun Nuklearrerako Batzordeak. Ikuskatzea joan den martxoan izan zen, eta batzordeak ateratako txostenak dio langileen irradiazio-mailaren kalkuluaren gainean eragin handia izango dutela plangintzaren... [+]