Garoña berriz irekitzeko prozesua gelditu dadila eskatuko dute hainbat alderdik
Greenpeace eta Ekologistak Martxan talde ekologistekin egindako bileran adostu dutenez, Espainiako Kongresuan ordezkaritza duten sei taldek eskatuko dute ez dadila har Garoñako zentral nuklearrari buruzko erabakirik gobernu berria osatu arte.
Greenpeacek jakinarazi du alderdi politiko guztiak egon direla bilerara gonbidatuta. PSOEk, Podemosek, EH Bilduk, ERCk, Compromísek eta Unidad Popularrek hartu dute parte; EAJk eta DiLk (Convergència) esan dute gaiaz interesa zutela baina agenda arazoengatik ez izan direla batzarrera joan.
Elkartutako taldeetako ordezkariek Espainiako Segurtasun Nuklearreko Kontseiluari (CSN) gutun bat bidaltzea adostu dute. Gutun horretan eskatuko dute ez dadila Garoñako zentrala berriro irekitzeari buruzko ezer erabaki gobernua osatuta ez dagoen bitartean. Gainera, CSNko presidente Fernando Martíren agerraldia eskatuko dute.
Bilerara joan ez diren alderdiei akordioaren berri ematea eta bat egin dezatela eskatzea ere adostu dute. Horrez gain, erkidegoetako parlamentuetara eramango dute gaia. Greenpeacen ustez, hartutako konpromisoa abiapuntu egokia da; talde ekologistako Raquel Montónen esanetan, agerian geratu da Espainiako Parlamentuan, une honetan, gehiengoa direla Garoña berriro zabaltzea nahi ez dutenak.
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.
Ekainean hasi eta hamar urte inguru luzatuko dira Garoñako zentral nuklearra desegiteko lanak. Bi fasetan egingo dira, erreaktorea desegin aurretik igerilekuak husteko. Hondakinen %15 zentralean bertan geratuko da.
Ascoko zentral nuklearrean izandako istripu hilgarriaren biharamunean, Eguzki talde ekologistak salatu du Garoña desegiteko Espainiako Estuak martxoan aurkeztutako desegite proiektuak ez zituen jasotzen "ez neurririk, ez segurtasun-arriskurik, ez esperientziarik... [+]
Segurtasun iturrien arabera, karbono dioxido isuri batengatik gertatu da Ascoko istripua, ez "jarduera erradiologikoagatik". Eguzki talde ekologista eta antinuklearrak ohartarazi du zentral horietan “beste ezeren gainetik, lehentasun nagusia” izan behar... [+]
Garoña itxi zen garaiko ospakizunak urruti daude. Lasaitua hartu genuen gehienok, zentral nuklearraz ahazten has gintezkeelakoan
Eguzkik alegazioak aurkeztu dizkio Garoña desegiteko proiektuari. Talde ekologistak ingurunea eta segurtasuna fase guztietan aztertzea eta ingurunea biziberritzeko plan bat eskatu du, besteak beste.
2012. urtetik geldi dago Garoñako zentral nuklearra eta 2021ean hasiko dira hura eraisten, Espainiako Gobernuak EH Bilduren galdera parlamentario bati erantzunez informatu duenez.
Eraiste-aurreko lanen plangintzan gabezia nabariak daudela adierazi du Segurtasun Nuklearrerako Batzordeak. Ikuskatzea joan den martxoan izan zen, eta batzordeak ateratako txostenak dio langileen irradiazio-mailaren kalkuluaren gainean eragin handia izango dutela plangintzaren... [+]