Jaurlaritzak eskura dituen tresna juridiko, politiko eta instituzional guztiak erabiliko ditu Garoñako zentral nuklearra berriro ireki ez dadin, Josu Erkoreka bozeramaileak Eusko Legebiltzarrean adierazi duenez. Hala ere, zuhurtziaz jokatu behar dela eta ezer baino lehen ahalik eta informazio gehien bildu behar dela gehitu du Erkorekak.
Jaurlaritzako bozeramaileak Legebiltzarreko kontrol saioan egin ditu adierazpenak, Mikel Otero EH Bilduko legebiltzarkidearen galdera bati erantzunez. Zentrala berriz martxan jartzea eragozteko Lakuak zer urrats emango duen galdetu dio Oterok Erkorekari, eta kritikatu egin du gobernuak helegiterik aurkeztu ez izana Espainiako Segurtasun Nuklearraren Kontseiluak (CSN) Garoñaren bizitza luzatzeari emandako onespenaren aurka.
Halaber, Legebiltzarrak orain gutxi Garoña behin betiko ixtearen alde hartutako erabakia gogorarazi du Oterok, hala nola bertako zerbitzu juridikoek CSNren ebazpenaren aurka jo dezaten EH Bilduk egindako eskaria.
Erkorekak erantzun du zer nolako helegitea jar daitekeen arretaz aztertzea dela eman beharreko lehenengo urratsa, bide administratibotik hasiera batean, eta, lehen aukera horrek huts egingo balu, epaitegien bitartez.
Araba Garoñarik Gabe kolektiboak Gasteizen antolatu duen manifestazioaren bezperan etorri dira Erkorekaren adierazpenak. Herrialdeko 250 talde inguruk egin dute deialdiarekin bat; sinatu duten manifestuan, euskal alderdiei eskatu diete Madrilen PPrekin egin beharreko edozein akordiotarako Garoña betiko ixteko konpromisoa ezinbesteko baldintza izan dadila.
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.
Ekainean hasi eta hamar urte inguru luzatuko dira Garoñako zentral nuklearra desegiteko lanak. Bi fasetan egingo dira, erreaktorea desegin aurretik igerilekuak husteko. Hondakinen %15 zentralean bertan geratuko da.
Ascoko zentral nuklearrean izandako istripu hilgarriaren biharamunean, Eguzki talde ekologistak salatu du Garoña desegiteko Espainiako Estuak martxoan aurkeztutako desegite proiektuak ez zituen jasotzen "ez neurririk, ez segurtasun-arriskurik, ez esperientziarik... [+]
Segurtasun iturrien arabera, karbono dioxido isuri batengatik gertatu da Ascoko istripua, ez "jarduera erradiologikoagatik". Eguzki talde ekologista eta antinuklearrak ohartarazi du zentral horietan “beste ezeren gainetik, lehentasun nagusia” izan behar... [+]
Garoña itxi zen garaiko ospakizunak urruti daude. Lasaitua hartu genuen gehienok, zentral nuklearraz ahazten has gintezkeelakoan
Eguzkik alegazioak aurkeztu dizkio Garoña desegiteko proiektuari. Talde ekologistak ingurunea eta segurtasuna fase guztietan aztertzea eta ingurunea biziberritzeko plan bat eskatu du, besteak beste.
2012. urtetik geldi dago Garoñako zentral nuklearra eta 2021ean hasiko dira hura eraisten, Espainiako Gobernuak EH Bilduren galdera parlamentario bati erantzunez informatu duenez.
Eraiste-aurreko lanen plangintzan gabezia nabariak daudela adierazi du Segurtasun Nuklearrerako Batzordeak. Ikuskatzea joan den martxoan izan zen, eta batzordeak ateratako txostenak dio langileen irradiazio-mailaren kalkuluaren gainean eragin handia izango dutela plangintzaren... [+]