Burgosko alkateak iragarri du bertan behera utziko dituela Gamonal auzoko bulebarra eraikitzeko obrak. Bost egunez istilu larriak izan dira obren kontra protestan ari ziren auzotarren eta poliziaren artean.
Bulebarra egin behar zuten langileen "segurtasuna" babestu ezin zitekeela-eta gelditu dituzte obrak PPko Francisco Javier Lacalle alkateak adierazi duenez. Behin behineko geldialdia da, 15-20 egun artekoa, eta bitarte horretan Udalak lan talde bat sortuko du auzotarrekin adostasuna bilatzeko.
Bestalde, Hego Euskal Herriko hiriburuetan Burgosko Gamonal auzoko borrokarekin elkartasun deialdiak egin dituzte, sare sozialetan zabaldu denez. Bilbon 20:00etan Arriagan, Donostian 20:00etan Boulevardean, Iruñean 20:00etan Mercaderes kalean eta Gasteizen 19:30etan Andra Mari Zuriaren plazan.
Goizean ere obrak geldiarazi dituzte
Gaur goizean bulebarra eraikitzeko makinen sarrera oztopatu dute berriz Burgosko Gamonal auzoko bizilagunek. Atzo goiz-goizetik 200 lagun inguru bildu ziren Burgosko Gasteiz etorbidean obretako makinak sar ez zitezen.
Goizeko 6:30etan 200 pertsona inguru atera ziren kalera, eta orduek aurrera egin ahala jende gehiago batu zitzaien. Ondoren Bulebar berriaren proiektuaren kontrako protesta egin zuten auzoko karriketan barna. 5.000 lagun inguru bildu ziren martxan.
Errepresioaren areagotzea
Gamonaleko bizilagunek polizia geroz eta gehiago dabilela azpimarratu dute, baita horiek eragiten ari diren errepresioa salatu ere.
Naizek argitaratu duenez, zenbait kaletan etxeratze-agindua ezarri du poliziak herritarren joan-etorriak oztopatuz. Kalera ateratzen den edonor atxilotzen hasi da polizia, etxeko atarietan sartzen eta inolako arrazoirik gabe auzotarrak jotzen.
Auzokideak haserre
Herritarren nahiaren kontra Gamonalen bulebarra eraikiko duela jakinarazi du Burgosko alkate Francisco Javier Lacallek (PP). Joan den ostiraletik istilu larriak ekarri ditu horrek, eta auzokideek hiri-altzariei eta banketxeen bulegoei egin diete eraso; ez ordea auzoko saltokiei.
Bizilagunak haserre agertu dira, azken urteetan Burgosko Udalak gizarte gastuetan izugarrizko murrizketak egin dituelako, eta bulebarraren proiektua diru xahuketa iruditzen zaielako. Etorbide berriak bi errei izanen ditu eta orain arteko doako aparkalekuak kendu eta parking pribatuak ezartzeko asmoa dago. Guztira 650 garaje plaza pribatu eraiki nahi dituzte, bakoitza 20.000 euro inguruan baloratua. Auzokideek bertan aparkatzeko horietako bat erosi edo alokatu beharko dute.
Bestalde salatu dute Udalak haurtzaindegi publiko bat itxi zuela duela gutxi berrikuntzak 13.000 euro kostatzen zirela argudiatuta. Bulebarrak 10 milioi euro inguruko aurrekontua du.
Auzolagunak egunean bi aldiz elkartzen dira gutxienez asanbladan hurrengo orduetarako plangintza zehazteko. Haien helburua obretako makinaria eta enpresa eraikitzaileetako langilerik ez sartzea da.
Informazio gehiago: Twitterren #GamonalResiste eta #Gamonalenlucha etiketen bidez jarrai daiteke Burgosen gertatzen ari dena.
Donostiako Koldo Mitxelena Kulturuneko aretoa bete zen asteartean Sator Alaia kolektiboak metro proiektuari buruz antolatutako mahai inguruan. Honelako egitasmoetan herritarren erabakitzeko eskubidea aztertu zuten.
Duela urtebete Burgoseko Gamonal auzoko bizilagunek bulebar bat egiteko proiektu urbanistikoa geratzea lortu zuten protesta ikusgarrien bidez. Urteurrena ospatzeko hainbat ekintza antolatu dituzte.
Burgosko Gamonal auzoko batzarrak hiriko zezen plazaren birmoldaketaren kontrako protesta deitu du. Asanblada egingo dute ostiralean eguerdiko 12:30ean Burgosko Plaza Nagusian eta Udalaren osoko bilkuran parte hartuko dute obraren kontra zergatik egiten duten azaltzeko.
Askapena talde internazionalistaren eskutik Izquierda Castellana taldeko zenbait kide izan dira azken egunotan Euskal Herrian Gaztelako ezker soberanistari buruzko hitzaldiak emateko. Urretxu-Zumarragako gaztetxera hurbildu eta Alberto San Martin burgostarrarekin Gamonaleko,... [+]
Gamonaleko Bulebarraren Kontrako taldeko kide Roberto Dominguez elkarrizketatu du Oarsoaldea eta Bidasoako Hitzak, Oreretan protesten karietara eskaini zuen hitzaldi baten harira. Argi dauka pasatakoa ez dela gertakari isolatua, murrizketen eta egiturazko arazo sozialen... [+]
Burgosko Gamonal auzoari elkartasuna adierazteko manifestazioa egin zuten atzo Madrilen. Amaitu osteko liskarretan hamalau lagun atxilotu zituen poliziak, suhiltzaile bat tartean.
Azken urteotan, behin baino gehiagotan, komunikabideetan Nafarroa eta Burgos elkarren ondoan agertu izan dira, bi probintziak mugakideak ez badira ere. Lehenik eta behin, Yolanda Barcina, Nafarroako presidentea, Burgosen jaioa da, haurtzaroa Portugaleten hemen bazuen ere.
Ez dut uste Francisco Javier Lacalle Burgosko sheriffak gure herri eta hirietan azken hamarkadetan praktikan jarri diren politika urbanistikoen aldean ezer anomaloa egin duenik.
Altxamendu guztiek historia bat dute atzetik, sarritan ikustezina, infrapolitikoa, entzuten ez dena. Gamonal auzoan gertatu dena (herritarren monilizazioek bulebarreko obrak gelditu dituzte "behin behinean" ) ere ez da atzo goizeko kontua.
Azken urteetan Burgosen gizarte gastuetan eman diren murrizketak proiektu urbanistikoak finantzatzeko erabili izan dira. Gamonal auzoan egin nahi den bulebarra eraikitzeko bideratuko den dirutzak istilu larriak eragin ditu azken egunotan hiriburuan.