Gaia atera
Batzuetan ez dakit gehiegi ez ote den. Pipa janean gaudela, beste edozer gauzaz hitz egiten gaudela, gaia ateratzea. Ozen hitz egitea gustatzen zaigu guri, ia isilunerik ez uztea, ahotsak teilakatzea, zeinek handiagoa botatzea. Hitz egitea bakoitzak bereaz, bakoitzak bestearenaz, sareetan ikusi dugun horretaz, telebistako programa horretan esan dutenaz, plazan ireki duten denda berriaz eta itxi duten tabernaz.
Eta beste batzuetan gai gara isil-isilik geratzeko. Gaia ateratzea (gai bat ateratzea), zazpi begi pare zuri begira, ahoak bat-batekoz itxita, inork ez du orain ezer esateko. Bota du norbaitek (bota beharrekoa), gure arazo propio eta indibidualez gain atera du norbaitek handiagoa den arazo hori. “Arazo” deitzeak ere nahikotxo epeltzen du asuntoa, baina beno. Beti gogoratu behar didazu munduan badela ni baino okerrago dagoenik? (niretzat ere izan litekeen galdera). Tabernara sartu da bat beste erronda bat eskatzera, isiltasun hori apurtzeko ahaleginean.
Nahi nuke diskutitu, argumentuak bota eta beharbada iritziz aldatu, baina gutxienez diskutitu
Nagikeria ematen du gauza zailez hitz egiteak, badakit. Egiteko dauden gauzez hitz egiteak berdina bider bi. Etorkizuna posible dela pentsatzeak zer esanik ez, etorkizuna posible bada horren alde lan egin behar omen da eta. Nagikeria ematen du teorian alde zauden horretara hurbiltzeko ezer egiten ez duzula onartzeak, zure buruan segundo bi ere eman ezin dizkiozula. Noiz utzi genion klasean iritzi faxistak zituzten horien kontra hain sutsuki borrokatzeari? Tortilla pintxoak gaurkoan zuen gatz puntuaz hitz egin dezakegu, hobe horrela.
Polizia gehiegi gorrotatu daiteke? Izan zaitezke polizia baten lagun? Joan beharko ginateke berriz McDonaldsera afaltzera? Sartu behar ditugu edalontziak tabernara bueltan? Ondo dago Eroskin lapurtzea? Manifa batera joatea eskatzea gehiegizkoa da? Bidali beharko nuke berri hori watxapeko taldetik? Ez da horrenbestekoa gure auzoan gertatutakoa? Kontraesanak zurito baten modura mahaigaineratu daitezke? Konpondu daiteke mundua mahai baten bueltan?
Ez nuke nahi ongi dagoenaren eta gaizki dagoenaren arteko diktadore izan. Ez dut uste inork baino gehiago dakidanik, gauza gutxi dakit nik. Ez dut egiten ahal nukeen guztia, erdia ere ez (eta ez da pozik egotekoa). Baina gaia ateratzea bada minimoa, beteko dut minimo hori. Nahi nuke diskutitu, argumentuak bota eta beharbada iritziz aldatu, baina gutxienez diskutitu. Nahi nuke bestearen begietan ere inguratzen gaituenarekiko ardura ikusi, elkarren azterketa egunez eta urtebetetzeez arduratzen garen bezain beste. Ez dakit, agian horrela gutxika landatuko dugu elkarren buruetan hazitxo bat, munduak aldaketa beharra du eta.
Espainiako Estatutik Frantziakora “legez kanpoko” gero eta migratzaile gehiago igarotzen direla argudiatuta, mugetako kontrolak indartzea begi onez ikusi du Pirinio Atlantikoetako prefetak. Migratzaileek delitu txikietan “eragin hautemangarria” dutela... [+]
Poloniako Maszycka kobazuloan duela 18.000 urteko arrastoak topatu zituzten XIX. mendearen amaieran. Baina berriki giza hezurrak teknologia berriak erabiliz aztertu eta kanibalismo zantzu garbiak aurkitu dituzte.
Ez da ikerlan bat ondorio horretara iristen den lehen... [+]
Porzheim (Alemania), 1945eko otsailaren 23a. Iluntzeko zortziak jotzear zirela, hegazkin aliatuak hiria bonbardatzen hasi ziren bonba su-eragileekin. Erasoak sarraski izugarria eragin zuen denbora gutxian. Baina Pforzheimen gertatutakoa itzalean geratu zen, egun batzuk lehenago,... [+]
Matematika, zientzia, euskara, gaztelania eta ingelesa konpetentzietan EAEko ikasleek duten maila neurtzen duen ebaluazio diagnostikoaren emaitza festan, 13-14 urteko ikasleek zientzia eta gaztelanian izan duten deskalabrua "zuhurtziaz" gogoetatzeko beharra adierazi... [+]
Otsailaren 3an hasi da gure umeak eta gaztetxoak eskoletan aurre-matrikulatzeko garaia, eta urtero bezala gogoratu nahi genizueke zergatik ez zaigun ideia ona iruditzen erlijioan matrikulatzea. Iaz artikula bukatzen genuen esanez “askori idazki hau ezaguna egingo zaizue,... [+]
Emakumearen familiako kideek jarri dute salaketa Bilboko Kolonbiaren kontsulatuan. Otsailaren 1ean jasan zuen erasoa, Donostiako Manterola kaleko diskoteka baten atarian. Hainbat testigantzen arabera, konorterik gabe egon arren berari kolpeka jarraitu zuen ertzain batek.
Ilezko prakak, gerritik oinetaraino, latexa besoetan eta soinean, eta adatsa laranja gori. Horrela aurkeztu du La Furiak bere bosgarren lan luzea: Ultra. Horrek guztiak ederki islatzen du rap abeslariaren apustua: dena eman, bere irizpideen arabera.
Tranbia txiki Arratia Institutuko Guraso Elkartetik pantailen erabileraren inguruko hausnarketa bultzatu nahi dugu ikas komunitatean.
Azkenaldian kezka handia dago ume eta nerabeengan pantailek duten eragina dela eta. Ardura hori etxeko erabileratik eskola eta institutuetako... [+]
Petronorrek adierazi du asmoa duela hidrogenoa ekoizteko lantegia abiatzeko Bilboko Portuan eta erregai mota hori Tubacex, Tubos edota Vidrala enpresetara heltzeko, beharrezkoa izango dela hidroduktoa eraikitzea.
Etxebizitza berrien promozioak ez atzeratzea da Eusko Jaurlaritzako Gobernu Kontseiluak onartu duen dekretuaren helburu nagusietako bat. Zentzu horretan, udalei "autonomia" gehiago emango diela ziurtatu du Denis Itxaso sailburuak.
Mozambiken gas eremu zabal batean erauzketa prozesu bat martxan ezartzeko prest zen 2020an TotalEnergies enpresa frantsesa, eta gunearen segurtasuna bermatzeko Mozambikeko unitate militar bat kontratatu zuen. Baina Afrikan egitekoa zuen "inoizko inbertsio pribaturik... [+]
Ia mende batez, Euskal Herrian ez da belaunaldirik tortura ezagutu ez duenik. 1960tik 5.379 lagun dira ofizialki, baina askoz gehiago dira, publikoki torturatu gisa agertzeak min egiten duelako oraindik ere. Eta seguruenik, oinarri-oinarrian ez delako ezer aldatu. Polizia... [+]
Bai, bai, holaxe. Ez naiz harago joatera menturatzen. Pleonasmo bat dela? Tautologia bat agian? Baliteke, baina egia-oste deitzen dioten garai honetan, oinarri-oinarrizko egitateak beharrezkoak dira. Begira, bestela, “Ez da ez!” lelo indartsuari. Bagenekien hori... [+]
Baneukan lagun bat Porcelana Irabian lan egin zuena itxi zuten arte, eta jatetxe edo taberna batera joaten ginen aldiro kikara eta plateraren ipurdia begiratzen zituena pieza non egina zegoen jakiteko. Gauza bera egiten dut nik gauza zaharren azoketara joaten naizenetan:... [+]