Joan den igandean Euskaltzaleen Topaguneak eta Hendaiako Mintzaian euskara taldeak antolatuta, Mintza Eguna ospatu zuten Hendaian.
Aurreneko aldia zen Ipar Euskal Herrian egiten zela. Urtean zehar MintzaLaguna egitasmoan astero euskara praktikatzeko biltzen aritu diren 6.500 lagunetako batzuk bildu ziren besta giroan, Euskal Herriko txoko ugaritatik etorriak, elkar ezagutu eta euskaraz mintzatzen jarraitzeko xedez.