Fernandez Iradiren kartzela zigorra etetea eskatu dute, auzi medikuek gaixotasunaren larritasuna baieztatu ostean
2013ko martxoan eskatu zuen esklerosi anizkoitza duen 42 urteko preso politikoak osasun azterketa egin ziezaioten. Eritasuna eta kartzela zigorra bateraezinak direla ondorioztatu dute emaitzek.
Legeak zehazten du medikuntzan adituak diren bi profesionalen diagnostikoak behar direla presoaren osasun egoera kartzelarekin bateraezina ote den epaitzeko eta baldintza hori bete dute Fernandez Iradiri egindako analisiek. Dena dela, bi adituen hitzak aholku-emaileak dira, ez dute epailea lotzen.
Erabakia apirilean
Aurreikuspenen arabera apirilean kaleratu beharko luke epaileak bere erabakia.
Eskaera onartuko balu, Fernandez Iradi sei hilabetero osasun azterketak egitera behartuta egongo litzateke, eta zigorra betetzen jarraitu beharko luke, kartzelatik kanpo bada ere.
Epaileak eskaera atzera botako balu berriz, presoaren abokatu Maritxu Paulus Basurkok adierazi du Parisen helegitea aurkeztuko duela, Iradiren egoera gero eta larriagoa baita eta okerrera egingo duela iragarri baitute medikuek.
Herrirako kideek zigorra etetearen aldeko agiria zabaldu dute eta eragile politiko, sindikal, sozial eta norbanakoei dei egin diete eskaera izenpetu dezaten. Osasun arloko 75 pertsonak (mediku, erizain, psikologo …) izenpetu dute jada.
Protesta Taubirari
Bestalde, Etxeratek hilaren 15ean Baionan antolatu duen manifestaldian parte hartzeko deia zabaldu du Herrirak.
Datorren larunbatean Christiane Taubira Justizia ministroak Baionan emango duen hitzaldia aitzakiatzat hartuta, Euskaldunen enparantzatik 15:30etan abiatuko da manifestazioa, "Eskubideen errespetua noiz ?" aldarripean.
Euskal preso politikoa ostiralean hil zen minbizi baten ondorioz, 30 urteko espetxealdiaren ostean kaleratu eta 10 hilabetera. Troitiñoren kasua euskal presoei aplikatzen zaien salbuespen politikaren adierazle dela salatu dute bi elkarteek. Mobilizazioak antolatu dituzte... [+]
Eritasun "larri eta sendaezin" bat duela, baldintzapean atera da kalera otsailaren 5 goiz honetan. Orotara, 30 urtez gora pasa behar izan ditu kartzelan.
61 urteko preso lekeitiarrak maiatzaren 13an buruko isuria izan zuela argitaratu du Etxeratek. Orain Puerto-I kartzelako (Cadiz, Andaluzia) erizaindegian dagoela eta asteburuan familiaren bisita izan duela gehitu du.
Dispertsio politika bukatzeko eta larriki gaixorik dauden presoak askatzeko eskatu diete Espainiako Estatuko eta Europako Parlamentuko presidenteei.
Sareko kideek presoen egoera aldatuko den "itxaropena" erakutsi dute: "Hala behar luke, behinik behin. Orain da unea; izan ere, orain ez bada, noiz?"
2019ko zerrendatik bi izen atera dira: Aitzol Gogorza, espetxeratze arinduan, eta Jose Angel Otxoa de Eribe, berriki zendua. Duela hamar urte baino hamahiru preso larri eta sendaezin gehiago daudela ohartarazi du Etxerat elkarteak.
Euskal Herrian jaio izanaren ordaina izan da gatazka mingarri batean harrapatuak egotea. Aukera bat izan zitekeen ez ikusiarena egin eta ezer gertatuko ez balitz bezala bizitzen saiatzea. Zilegi izan daiteke.
Jose Ramon Lopez de Abetxuko preso ohiak eta Txeman Matanzas abokatuak preso gaixoen egoeraren inguruko hitzaldia eman dute Gasteizko unibertsitateko campusean. Aretoak gainezka egin du. Aurretik Esteban de Garibay elkarte eskuindar unionistak hitzaldiaren aurkako kontzentrazioa... [+]
EHUren Gasteizko campusean egingo da hitzaldia, asteartean. Esteban Garibai elkarteak hitzaldiaren kontrako elkarretaratzea deitu du, hitzaldia hasi baino ordu laurden lehenago. Hizlariaren aurkako jazarpenarekin aurkako “sufrimendu jakin bat” estali nahi dela salatu... [+]
Ibon Fernandez Iradi euskal presoak egindako zigor etete eskaera onartu du Parisko Zigor Aplikazioen Auzitegiak, baina Fiskaltzak jarritako helegitea medio, haren askatasunari buruzko azken erabakia bi hilabete barrura arte atzeratu da. Esklerosi anizkoitza du Lasarte-Oriako... [+]
Espainiako Estatuak darabilen kartzela politikak euskal presoen eskubideak urratzen ditu eta urraketa horien txostena aurkeztu dute Sare Herritarrak eta EHUko Ikasmirak elkarteak. Txostena Nazio Batuen Erakundeko Giza Eskubideen Batzordera eramango dute orain.
Larunbatean jarri zuten abian kanpaina Bakearen Artisauek. Uztailaren 5ean Parisko Zigorrak Aplikatzeko Auzitegiak baldintzapean aske uztearen alde egin zuen, baina fiskaltzak helegitea jarri zuen eta preso jarraitzen du.
Urkabustaizko bizilagunak gaixotasun larria du.