argia.eus
INPRIMATU
Faurencia-Learrek Burlatan duen 190 langileko fabrikaren itxiera iragarri du
  • Burlatako Cousin Freres fabrika itxiko du Faurencia-Lear taldeak. Kotxeetarako piezak egiten dituen enpresak eskariak eta lehiakortasuna jaitsi egin dela adierazi du. Enpresa komiteak, ordea, “urteetako utzikeria” leporatu dio enpresari.

Iruñe Astitz Larunbe @arkkuso 2015eko otsailaren 06a
Diario de Noticias/J.Bergasa

Oraindik itxiera data finkaturik ez dagoen arren, itxierak Mugazuri poligonoaren 40 urteko jardun industrialaren bukaera ekarriko luke.

Enpresako bozeramaile batek adierazi duenez, jarrera produkzio lanei bideratuta dago. Enpresa batzordeak, ordea, itxieraren berria gaitzetsi du. Faurencia-Lear taldeari Burlatako enpresaren jardueraren jarraikortasuna mantentzeko aukera guztiak aztertzeko eskatu dio: “Erabakia ustekabean etorri da, kolpe latza suposatzen du guztiontzat”.

“Fabrikako jarduera mantentzeko lan egingo dugu, borroka azken hariraino eramateraino”, adierazi du enpresa batzordeak.