Fagor Etxetresnak likidatu egingo dute eta langabeak dira orain lehentasuna
Fagor Etxetresnak hartzekodunen konkurtsoan sartuko da. Lakuan egin zuten bileran kooperatibako ordezkariek jakinarazi zuten bihar goizean aurkeztuko dutela eskaera epaitegian. Datozen asteetan likidazio fasean sartuko da.
Kooperatibako taldean dagoen Basauriko Edesa enpresa, aldiz, ez da oraingoz hartzekodunen konkurtsoan sartuko, Bizkaiko Aldundiak 3 milioi euroko bermea emango baitio. Jose Luis Bilbao ahadun nagusiak onartu du erabaki horrekin itxiera atzeratzea baino ez dela lortuko eta beharrezkoa dela bideragarritasun plan bat.
Bizkaiko Aldundiak Edesa “salbatzeko” emandako bermeak eta Bilbao langileen aurrean agertu izanak kritikak eragin ditu. EAJk Gipuzkoako Aldundiari eskatu dio gauza bera egin dezala Azpeitiko Grumal lantegiarekin eta Martin Garitanok ez du aukera hori baztertu Radio Euskadin egindako adierazpenetan:
#Fagor Martin Garitano @mgaritano :"Bizkaia decidió financiar Edesa Basauri, y en Gipuzkoa estudiamos la posibilidad de hacerlo con Grumal"
— Boulevard R. Euskadi (@Boulevardeitb) November 7, 2013
Joko politikotik harago, milaka lagunen lanpostuak daude kolokan. Fagorren likidazio fasea datozen asteetarako iragarri dute. Eragile guztiek enpleguaren galera arintzeko neurriak dituzte orain mahai gainean. Hala, Mondragon Korporazioak 1.200 bazkide birkokatu eta aurre-jubilatu nahi ditu eta beste 430 kooperatibistek Lagun Aroren langabezia prestazioa jasoko dute.
Enpresaren itxierarengatik eta beste kooperatibetan izango diren birkokapenengatik kalean gera daitezkeen bazkide ez diren soldatapekoei ez die Mondragonek irtenbiderik eman ordea.
Fagor Etxetresnaken arduradunen esanetan 4.000 lanpostu daude orotara arriskuan, zuzenean eta zeharka. Eusko Jaurlaritzak Fagorren hornitzaile diren enpresetan jarri du begia; merkatu azterketak eta analisiak egingo ditu, baina ez du dirurik jarriko, atzo haren bozeramaile den Josu Erkorekak azaldu zuenez.
Gipuzkoako Aldundiak Debagoienako Garapen Agentziaren esku 700.000 euro utz ditzakeela jakinarazi zuen atzoko bileran, Noticias de Gipuzkoaren arabera. Diru hori eskualdean enpresa proiektu berritzaileak martxan jartzeko erabiliko litzateke.
Kooperatibaren hondoratzeaz idatzi du egunkari horretan Kutxako presidente ohi Gotzon Olarte Lasak (Madurez del Consorcio de Mondragón?). Imanol Esnaola Gaindegiako koordinatzaileak berriz, Gaindegiaren webgunean hainbat galdera plazaratu ditu Fagor auziaz eta Euskal Herriak bere estatua ez izateaz (Zerk huts egin du Fagorren?)
Brandt eta "sandwich ekonomia"
Atzo jakinarazi zuen Brandt-ek, Frantziako Fagorren filialak, ordainketak etetako eskaera aurkeztu duela Nanterreko Merkataritza Auzitegian. Enpresak kiebra nola jo duen azaldu du Le Monde egunkariak artikulu zabal batean (Fagor, la chute d'un empire de l'électroménager).
Bestalde, Dominique Seux analistak bere blogean idatzi duenez, Brandt "sandwich ekonomiak" harrapatuta geratu da: goian marka prestiogunak leudeke, behean merkeagoak diren asiarrak. Seuxen ustez Frantziako ekonomia globala sandwicharen goiko geruzan dago eta hori aukera bat izan liteke Brandt-ek aurrera egiteko.
Beterri Saretuz eraldaketa egitasmoak gonbidatuta, Debagoiena 2030 sareko Aritz Ameztegik hitzaldia eman du Andoainen asteazkenean. Eskualde batean eraldaketa lortzeko nola eragin litekeen gako batzuk eskaini ditu.
Biriketako minbizian eta %95eko ezgaitasunean amiantoak izandako eragina onartu zion Gizarte Segurantzak langile bati, baina helegitea jarri zuen Fagor Ederlan enpresak. Donostiako epaitegi batek ez du helegitea onartu eta amiantoaren biktimen elkarteak enpresari eskatu dio... [+]
Gipuzkoako Lurralde Auzitegiak Mondragon absolbitu du Bergarako epaitegiak 2018ko uztailean emandako epaia berretsiz eta preskripzioan oinarrituz erabakia. Ordainduk eta Eskuratuk salatutako engainurik ez zela egon ebatzi du. Mondragon epaiarekin "pozik" azaldu da;... [+]
Herritarrek aukera izan dute dokumental baten bidez Jose Maria Arizmendiarrietaren bizitza eta lana ezagutzeko: Arizmendiarrieta, gizon kooperatiboa.
Ordaindu eta Eskuratu elkarteen eta Mondragon Korporazioaren arteko epaiketako ahozko bistaren azken eguna izan da gaurkoa. Bi aldeetako abokatuek ondorioak aurkeztu dituzte epailearen aurrean, eta lau egunak nola joan diren ikusita, esan daiteke demandatzaileen aldeko ebazpen... [+]
Fagor Etxetresnetako eta Edesako hainbat bazkide ohik, Ordaindu eta Eskuratu plataformetan baturik, Mondragonen kontra ipinitako demandaren epaiketa hasi da gaur, maiatzak 7, Bergaran. EAEko orain arteko demandarik handiena da. 954 bazkide ohik 47 milioi euro erreklamatzen... [+]
Astearte goizean aurkeztu du Edesa Industrialek hartzekodunen arteko hitzarmenerako aurre proposamena epaitegian. Likidazioa saihesteko eta industria jarduerarekin jarraitzeko duten asmoen barruan dagoela adierazi dute bidalitako oharrean. Edesa Industrialeko langileek "ez... [+]
CNA Group-eko filiala den Edesa Industrialek gaur goizean aurkeztu du hartzekodunen lehiaketa Donostiako merkataritza auzitegian. Dituen zorrak 100 milioi eurotik gorakoak dira.
Berrikuntza sozialean lanean ari diren hainbat ekimen ezagutzeko aukera izango da urriaren 25eko jardunaldietan. ARGIAk zuzeneko emisioa eskainiko du.
Edesa Industrialeko langileen etorkizuna Luxenburgon finkaturik dagoen talde horren eskuetan dago. Baina ELA eta LAB sindikatuek salatu dutenez, apenas daukagu daturik konglomeratu horren inguruan.
Iragarritako moduan, CNA taldearen Edesa Industrialeko zuzendaritzak gaur aurkeztu du enplegua suntsitzeko EREa, langile guztiendakoa. Ostiralean jakinarazi zen bezala, zuzendaritza Edesa Industrial eta Geyser-Gastech enpresetako ordezkariekin batu da; bilera horretan enpresako... [+]
Ez dute CNAk egindako proposamena onartu, euren ustez “xantaia” egiten ari delako eta konpainia katalanak “txeke zuri bat” besterik ez duelako nahi.
Zuzendaritzak kaleratze gutxiago egiteko aukera azaldu du enpresa batzordearekin egindako bileran, baina aldi berean dio "gehienez" 160 lanpostu mantendu ditzakeela, hasierako proposamenean bezala.
12:00etan dute hitzordua bihar, eguena, Fagor CNAko langileen ordezkariek CNA Taldeko zuzendaritzakoekin, negoziazioari ekiteko. “Enpresa bat ez da konpontzen murrizketekin”; hori abiapuntu, 350 lanpostuak eta enpresaren bideragarritasuna defendatzera bertaratuko... [+]
Konpainiak katalanak aurkeztu du Edesa Industrialentzako bideragarritasun plana: produkzioa doitu, Garagartzako planta itxi eta langileen erdia kalera.