Osasun-krisialdia "baliatuta, burgesiak abiatu duen ofentsiba ekonomiko eta politikoa" jarri dute jo-puntuan. Interes ekonomikoen gainetik medikuen eta osasun-adituen irizpideak lehenetsi behar direla nabarmendu dute eta ildo hauek markatu dituzte: langileriaren aldeko dinamikak bultzatzea eta defendatzea, koronabirusaren inguruko egiazko azalpen baten beharra azpimarratzea eta, "egungo egoeran, askatasun politikoak berreskuratzea".