Ezberdintasun soziala Disneyren arabera: aberatsek arazoak dituzte, eta pobreak zoriontsu bizi dira
Disneyko pelikuletako 67 pertsonaietatik 38 klase sozial altuko pertsonaiak dira, 11 dira langile klasekoak eta hiru dira txiroak. AEBetako Ipar Karolinako Dukeko Unibertsitateko ikertzaileek aztertu dute Disneyko pelikuletako pobreziaren eta ezberdintasun sozialen errepresentazioa.
Jessi Streib ikerketako koordinatzaileak adierazi du honako egoera horiek idealizatzen dituztela film horiek: “Txiroa izatea ez da arazo handia, lan egiteak alai egiten zaitu, pertsona ona eta anbizio handikoa izanez gero, aberatsa izango zara, edota ezberdintasun soziala ona da”. Disney konpainiako film garrantzitsuenetako lau hartu dituzte adibidetzat.
Zoriontsu bizi dira pobreak
Pelikula honetako protagonistak dira printzesarekin bizi diren zazpi ipotxak. Ipotx horiek mina batean egiten dute lan, eta filmak irudikatzen du munduko lanik dibertigarriena izango balitz bezala.
Zazpi ipotxak kantatzen eta txistua jotzen ikusten ditugu filmean, batere nekerik gabe, eta beraiek kantatzen duten moduan, “gustatzen zaielako egiten dute lan hori”. Txostenak, hortaz, kritikatzen du lanaren ikuspegi idiliko hau, lan hori munduko kritikatuena eta arriskutsuena bada ere.
Ratatouille filmaren protagonistaren familia ere txiroa da; estolderia batean bizi dira, baina irudikatzen dute pozik bizi direla, sufrimendutik aparte.
Pobreziaren eta aberastasunaren arteko alderaketa
Txostenaren arabera, pertsona aberatsen eta txiroen arteko arazoak parekatzea da Disneyko pelikulen beste mezuetako bat. Aladdin filmean esaterako, txiroa da pelikulako protagonista, eta janaria lapurtu behar du bizirauteko.
Jasmine printzesa ezagutzen duenean ordea, bi protagonistak “harrapatuta” sentitzen dira: bata, pobreziagatik, eta bestea, “nora joan eta nola jantzi” behar duen erabakitzeko espazio gutxi duelako. Txostenak kritikatu du garrantzi bera ematen zaiela pobreziak sortutako biziraupen arazoei, eta aberastasunaren kudeaketari.
Antzeko zerbait gertatzen da Cars pelikulan ere. Film honetako pertsonaietako bat da Sally, eta filmeko protagonistarekin –Rayo McQueenekin– maitemintzen da. Sallyk bere abokatu lana uzten du, eta langile klaseko herri batera joaten dira. Txostenak jaso duenez, filmean irudikatzen da errazagoa dela herriko bizitza soldata handi bat jasotzen duenarena baino; errealitatean, ordea, landa guneko egoera ez da hain idilikoa.
Aberastasunaren idealizazioa
Frozen pelikulako protagonista klaseko altuko emakumea da, eta aberastasunez inguratuta bizi da. Aberastasunez betetako bizitza horien idealizazioa egiten da pelikula honetan, eta herrialde horietako benetako errealitatearen oso irudi ezberdina transmititzen dute. Donald ahatearen filmeko Gilito osabak ere orduan eta aberastasun handiagoa lortzea du helburu.
Itoiz, udako sesioak filma estreinatu dute zinema aretoetan. Juan Carlos Perez taldekidearen hitz eta doinuak biltzen ditu Larraitz Zuazo, Zuri Goikoetxea eta Ainhoa Andrakaren filmak. Haiekin mintzatu gara Metropoli Foralean.
Zeresana ematen ari da Rami Younis kazetari eta aktibista palestinarraren LYD animaziozko film-dokumentala. Fikziozkoa da, Israelek inoiz okupatu gabeko Lyd hirian kokatua, zeinean ez den sekula ere britainiarren koloniarik egon, eta juduak eta arabiarrak elkarrekin bizi diren;... [+]
Eusko Jaurlaritzaren esku geratu dira beste bi eskumen: Itsasertzaren Antolaketa eta Kudeaketa, eta Zinematografia eta Ikus-entzunezko Jarduera. Astelehenean bildu da Transferentzien Batzorde Mistoa, Madrilen, eta han adostu dute bi eskumen horiek EAEra eskualdatzea.
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.
Inguruan dituen emakume sortzaileek halakorik izateak harritu egiten du, baina berak urte askotan izan du iruzurtiaren sindromea. Irauteak erakutsi dio, ordea, gauza asko ondo ere egin dituela. 2021ean Espainiako Estatuko Goya saria irabazi zuen
Maite Arroitajauregirekin... [+]
Irungo ospitale zaharrean jaio zen Fermin 1963an, Muguruza Ugartetarrenean. Azken hamarkadetan euskal musikan eragin nabarmena izan duen artista da. Ez alferrik, bera izan da Kortatu eta Negu Gorriak taldeetako abeslaria eta alma mater-a, Esan Ozenki zigilu independentearen... [+]
Bizkarsoro filma (Josu Martinez, 2023) Donostiako zinema aretoetan proiektatuko dute ostiral honetatik aurrera (hilak 22); SADEko Iñaki Elorzak azaldu duenez, bi aste inguruz proiektatuko dute printzipioz, eta, arrakasta baldin badu, denbora gehiagoz. Hala azaldu dute... [+]
Bizitegi elkarteak 2016a geroztik antolatzen duen duen film eta antzerki jaialdia jada abian da Bilbon.
Azaroaren 8tik 15era egingo dute zine jaialdia. Euskal Herriko zinema lanak ere izango dira pantaila aurrean, besteak beste Tasio filmaren bertsio zaharberritua eta La Muerte de Mikel, filmaren estreinalditik 40 urtera.
Jone Arriolaren “Dena asmatuta dago” filma izan da Urrezko Antzararen irabazlea larunbat honetan ospatutako sari banaketa ekitaldian. Euskal Zinemaren Begiradak Itziar Ituño aktorearen ibilbidea omendu du.
Aurtengoa hirugarren edizioa izango da, eta memoriaren gaia hartuko da ardatz, Kulturarteko Plaza Feministan.