“Ez ginen ohartzen sexu erasoak jasaten genituela”
Arrasateko Viatoristek San Viator kudeatzen zutenean, Jose Angel Arregui irakasleak sexu gehiegikeria ugari egin zituen, hainbat ikaslek salatu bezala: "Gure zakila edo ipurdia berari erakustea", "esperma mikroskopioz ikustea",... 2009an Txilen atxilotu zuten haur-pornografia ugari edukitzeagatik. San Viatorreko delitu horiek, baina, preskribatu dira, eta R.N. arrasatearrak eskatzen du horrelako delituek preskribitutzat ez jotzea.
Orain direla 30 urte Gaztelupe ez zen Arizmendi Ikastola, San Viator deitzen zen, eta viatoristen orden erlijiosoak kudeatzen zuen. Orduko irakasleetako bat Jose Angel Arregi Eraña zen (Bilbo, 1957), eta Arrasateko ikastetxean irakasle bezala 1979an hasi zen. Erlijioso honek gimnasia eta erlijioia ikasgaiak irakasten zituen, eta orain 30 urte inguru 40 ikasleko gela baten tutorea zen.
Gela horretako pertsonetako bat R.N. arrasatearra dugu, OHOko 7.-8. kurtsoko ikasten ziharduena. Berak eta gela honetako ikasle ohi batzuek Mondraberri.eus egunkariari salatu bezala, Arregik lehen egunetik bere botereaz abusatu zuen: "Lehen eskola egunean, lezio bat eman nahi izan zigun, eskolako instalazioak errespeta genitzan: Boluntario bat eskatu zuen ikasleen artean. Inork ez zuen hasieran eskua altxatu, baina azkenean baten batek amore eman zuen-edo. Arregik 10 belarrondoko eman zizkion, bata bestearen atzetik, bere diziplina ezartzeko".
Izan ere, bere ikasleek batez ere azpimarratzen dute Arregiren izaera eta jokabide "biolentoa". Orduan hasi ziren haur hauentzako lezio mingotsak: "Beste egun batean gutako bati frakak jaitsi zizkion gela guztiaren aurrean".
Arregi ere gimnasia irakasle zuten, eta kutsu sexualetako ukituak egiten zizkien: "Batzuetan dutxetara sartzen zen, gu dutxatzen ari ginela, eta gure ipurmasailetan txaloak ematen zizkigun". Gimnasioa gehiegikeria hauen lekuko izan zen: "Gutako beste bat gimnasioko gela ilun batera sartu zuen, eta barruan denbora bat eman ostean, negarrez irten zen. Inoiz ez genuen jakin zer egin zion". Abusu sexualei dagokienean, larrienetako banan-banan egin zien: "Arregik behin ikasleoi agindu zigun gimnasiotik banan-banan pasatzea. Beraz, gimnasio barruan ikasle bakoitzak bakarrik egon behar zuen Arregirekin, denbora batez".
Une horretan "Arregik prakak jaistea eragiten zigun gutako bakoitzari, gorputzaren formazioarekin zerikusia zuen azterketa bat zela esanez. Gainera, Arregik agintzen zigun gure zakil eta ipurdiak berari hobeto erakustea". Beste egun batez haurrak San Viatorreko laborategira eraman zituen, eta "mikroskopikoarekin espermatozoideak ikus genitzala esan zigun". "Haurra zarenean ez zara konturatzen zer esan nahi duen horrek, ohartzen ginen gauza arraroak zirela, baina ez genituen abusu sexualak bezala hartzen". Horregatik "haurretako batek bere gurasoei gertatutakoa azaldu zien, eta gurasoek ikastetxeari kexa aurkeztu zion. Baina viatoristek ez zuen behar bezalako neurririk hartu". Urteak pasa ahala, "eta ikaskide ohiekin berba egitean, egoeraz jabetzen joan ginen, eta haserrea eragin zigun".
2009an Arregi Txilen atxilotu zuten haur-pornografia ugari edukitzeagatik: Milaka argazki eta bideo zituen sadomasokismoa, koprofilia, urofilia eta haurtxoekin sexu jarduerak erakusten zituztenak. Arregik erositako edo partekatutako material hortaz gain, berak grabatutako bideoak ere bazituen: Gasteizen, Basaurin eta Madrilen grabatutako irudietan ukipenak, adin txikikoei egindako masturbazioak, eraso fisikoak eta objektuekin egindako penetrazioak ageri dira. Txileko epaitegi batek 2010ean Arregi bi urteko kartzela-zigorrera kondenatu zuen, eta herrialde Hegoamerikarrean zigor horiek bere osotasunean betetzen dira.
Epaia ezagutu ostean, Viatoristen Kongregazioak Arregi kongregaziotik kanporatzeko prozesuari ekin zioten. Orduan aurreikusten zen Arregi Espainiako estatura estraditatu ahalko zela, besteak beste, Arrasaten egindako delituengatik epaitua izan zedin. Horretarako, hainbat biktimek salaketa judiziala aurkeztu zuten, eta "Arrasateko biktima batek ere salaketa judiziala jarri zuen", baina denbora luzea igarota, delitu hauek preskribatzen dira eta ondorioz ezin dira epaitu.
R.N.-k orain 43 urte ditu, eta argi dauka legeak zentzu horretan aldaketa behar duela: "Holako delituek ez lukete preskribatu beharko, ezta antzekoek ere, emakumeen aurkako biolentzia delituek adibidez, Justizia egin ahal dadin".
Albiste hau Mondraberrik argitaratu du eta komunikabideen baimenari esker ekarri dugu ARGIAra
Gasteizko sententzia horrez gain, asteburuan gutxienez beste lau sexu eraso salatu dituzte; hiru Gasteizen eta bat Donostian.
Ehun bat pertsona bildu ziren larunbatean Luhusoko plazan Itaia emazte antolakundeak eta Luhusoko besta komiteak jakinarazi duten bortxaketa salatzeko.
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Gertaera abuztuaren 18ko goizaldean izan zen Donostiako Alde Zaharreko kalezulo batean, Ertzaintzak adierazi duenez. Egun horretan emakume batek beste sexu-eraso bat salatu zuen Donostian, gizon batek “diskoteka baten inguruan ukituak egin zizkiola” esanez.
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.
Tuteran 30 urteko gizon bati 23 urteko bikotekideari erasotzea leporatu diote, eta Ondarroan 31 urteko gizon bati lankide bati ukituak egitea, herriko osasun etxean. Bilboko jaietan bi sexu eraso salatu dituzte, eta Donostian 20 urteko gizon bat atxilotu dute, hiriaren... [+]
Zortzi pertsona atxilotu dituzte Nafarroan, beste biak, berriz, Gasteizen. Horrez gain, Algortako Portu Zaharreko jaietan gertatutako sexu eraso bat salatzeko elkarretaratzea egin dute, astelehenean.
Bi bortxaketa eta beste sei erasoren salaketa zuzenak jaso ditu Gasteizko Mugimendu Feministak. Elkarretaratzea egin du erasoak salatzeko txosna gunean, ostegunean. Gasteizko Udalak elkarretaratzea ostiralean 11:00etan egin du. Erasoen harira ez dute inor atzeman, momentuz.
Komunikabideek hainbatetan kontatzen dute halako herritan haur bati sexu abusuak egin dizkiola entrenatzaileak. Beste zenbaitetan entzuten dugu haur baten aitona atxilotu dutela bilobari sexu abusuak egiten zizkiola egotzita. Gutxiagotan argitaratzen da umeari erasoa egin diona... [+]
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.