Eusko Legebiltzarra Garoñaren berrirekiera galarazten saia dadin nahi du EH Bilduk
Garoñako zentral nuklearra berriz irekitzeari Espainiako Segurtasun Nuklearraren Kontseiluak (CSN) emandako onespenaren aurka helegitea aurkez dezala eskatu dio EH Bilduk Eusko Legebiltzarrari. Mikel Otero legebiltzarkideak koalizioaren izenean azaldu duenez, Legebiltzarreko zerbitzu juridikoek auzia aztertu –EH Bilduren beraren eskariz– eta ebatzi dute CSNren erabakiaren kontrako bide judiziala hartzeko aukera badagoela.
Oterok gogorarazi duenez, epaitegi batek CSNren ebazpena bertan behera utziko balu Espainiako Gobernuak ezingo luke baimenik eman Garoña berriz martxan jartzeko. EH Bilduk helegitea jartzeko eskaria egin dio Legebiltzarreko Mahaiari, eta presazko legez besteko proposamen bat aurkezteko asmoa agertu du, erabakia Osoko Bilkurak har dezan.
Bestalde, CSNk Garoñari emandako onespena nazioarteko legediarekin bateragarria ote den zalantza agertu du Oterok, eta bide hori ere aztertzen ari direla gaineratu du.
Azkenik, martxoaren 18an, larunbatean, Gasteizen egingo den manifestazioarekin bat egin du EH Bilduk. Araba Garoñarik Gabe taldeak deituta, zentrala behin betiko itxi dezaten eskatuko du manifestazioak.
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.
Ekainean hasi eta hamar urte inguru luzatuko dira Garoñako zentral nuklearra desegiteko lanak. Bi fasetan egingo dira, erreaktorea desegin aurretik igerilekuak husteko. Hondakinen %15 zentralean bertan geratuko da.
Ascoko zentral nuklearrean izandako istripu hilgarriaren biharamunean, Eguzki talde ekologistak salatu du Garoña desegiteko Espainiako Estuak martxoan aurkeztutako desegite proiektuak ez zituen jasotzen "ez neurririk, ez segurtasun-arriskurik, ez esperientziarik... [+]
Segurtasun iturrien arabera, karbono dioxido isuri batengatik gertatu da Ascoko istripua, ez "jarduera erradiologikoagatik". Eguzki talde ekologista eta antinuklearrak ohartarazi du zentral horietan “beste ezeren gainetik, lehentasun nagusia” izan behar... [+]
Garoña itxi zen garaiko ospakizunak urruti daude. Lasaitua hartu genuen gehienok, zentral nuklearraz ahazten has gintezkeelakoan
Eguzkik alegazioak aurkeztu dizkio Garoña desegiteko proiektuari. Talde ekologistak ingurunea eta segurtasuna fase guztietan aztertzea eta ingurunea biziberritzeko plan bat eskatu du, besteak beste.
2012. urtetik geldi dago Garoñako zentral nuklearra eta 2021ean hasiko dira hura eraisten, Espainiako Gobernuak EH Bilduren galdera parlamentario bati erantzunez informatu duenez.
Eraiste-aurreko lanen plangintzan gabezia nabariak daudela adierazi du Segurtasun Nuklearrerako Batzordeak. Ikuskatzea joan den martxoan izan zen, eta batzordeak ateratako txostenak dio langileen irradiazio-mailaren kalkuluaren gainean eragin handia izango dutela plangintzaren... [+]