Epaiari helegitea aurkezteko aukera aztertzen ari direla gaineratu du alkateak. Udal Gobernuko lau indarrak bat eginik ageri dira lasaitasun mezua zabaltzeko.
Iruñeko Udalaren esku dauden haur eskoletan euskarazko ereduak ezartzea baztertu zuen epaia berretsi egin du oraingoan Nafarroako Justizia Auzitegiak, esanez Udalak nabarmen aldatu zuela udalaren hezkuntza eskaintza.
Justizia Auzitegi horretako Administrazioko Salak konfirmatu du epaia. Haur eskoletako ordenazioa eta planifikazioa aldatu zituen eta ez zen aldaketa txikia izan bakarrik. Udalak reordenazioaz hitz egiten zuen, baina, hori egitetik urrundu direla uste du Auzitegiko Aretoko sailak.
Hamabi haur eskolaren kudeaketaz arduratzen da Udala eta horien artetik bostetan egin zituen aldaketa nabarmenak, besteak beste, eredu linguistikoa. Eta hizkuntza aldaketaren eskumena ez da Iruñeko Udalarena, baizik, Hezkuntza departamentuarena. Besteak beste epai horretan adierazten duten bestea da, euskarazko plazak asko handitu zirela: 164 izatetik 408 izatera pasa ziren eta 225 plaza kendu zituzten gaztelaniazkoak edo gaztelania eta ingelesa zituztenak.
Hartara, lehengo egoerara itzultzeko eskaera egin du berriz ere epaitegiak.
Epaia ezagutu eta berehala, presazko agerraldia egin du Iruñeko Udaleko gobernu taldeak. Han izan dira Joseba Asiron alkatea eta lau talde politikoetako ordezkariak. "Iaz hartutako erabakiari eta eginiko aldaketei irmo eutsiko diegu", azpimarratu du Hezkuntza zinegotzi Maider Belokik: "Udalera heldu ginenean, bi eskolatan soilik eskaintzen zen euskarazko lerroa, eta biak auzo berean zeuden. Udalak 30 urte zeramatzan eskaintza hori aldatu gabe. Guk planteamendu osoagoa eta orekatuagoa egin genuen, eta hori berretsi nahi dugu".
Joseba Asiron alkateak lasaitasun mezua helarazi nahi izan die haur eskoletako familiei, eta nabarmendu du epaiak ez duela haientzat eraginik izanen: "Dagoeneko bukatua den ikasturte bati eragiten dio soilik epaiak, iazkoari. Salaketa jarri zuten familiei balizko kalteordain bat pagatu beharra, hori izanen litzateke ondorio bakarra, baina horrek ez du aurtengo matrikulazioa baldintzatuko, ezta hurrengo urteetakoak ere".
Alkatearen esanetan, Iruñeko Udalaren zerbitzu juridikoek "harriduraz" hartu dute Nafarroako Auzitegiaren ebazpena, "kontraesankorra" delakoan: "Haur eskolena borondatezko zerbitzu bat izanik, epaileek onartzen dute Iruñeko Udala libre dela eskaintza egiteko ala kentzeko, baina aldi berean, ez diote askatasunik aitortzen borondatezko eskaintza hori moldatzeko. Hori kontraesan bat da".
Asironek gaineratu du epaiari helegitea aurkezteko aukera aztertzen ari direla udalaren abokatuak uneotan. "Datozen egunetan hartuko dugu erabaki bat".
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.
Hilaren 29tik aurrera Sortzen Guraso Elkarteak Jauzi.eus bilatzailea martxan jarriko du. Xedea da euskararen normalizazioa bultzatzeko dagoeneko eskaintzen den aisia atari digital bakarrean biltzea.
Iruñeko Euskalgintza plataforman bildutako eragileek egin dute deialdia. Hiriburuan dauden hamasei haur eskoletatik batean eskaintzen da euskarazko murgiltze eredua. Iruñeko Udalari eta Nafarroako Gobernuari eskatzen diote auzo bakoitzean murgiltze ereduko haur... [+]
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Iruñeko auzo guztietako haur eskoletan murgiltze eredua ezartzeko eskatu dio euskalgintzak udalari. Horrez gain, salatu du duela 35 urteko egoera berean daudela.
Maiatzaren 9an atera dira aurrematrikulen zerrendak, eta Haur Eskoletako Gurasoak elkarteak salatu du Iruñeko Udalak %20ra “mugatu” duen euskarazko eskaria izatez %35,2koa dela. Gainera, azpimarratu dute euskara ezin dela neurtu eskaintza-eskaria... [+]
Hiriko errepideak “oztopatuko” lituzkeela argudiatuz Korrika iragartzen duen haurren Korrika txikiari trabak jarri dizkio Iruñeko Udalak, haurrei, musikariei eta erraldoiei errepidetik ibiltzea ukatuz.
Iruñeko Euskalgintzak azaldu duenez, hirian dauden 12 udal haur-eskoletatik bakarra dago euskaraz murgiltze ereduan: "Horrek esan nahi du eskola horietan eskainiko diren 1.069 plazetatik 130 bakarrik izango direla euskaraz (%12'16a)". Eskaintza murritz hori... [+]
Haur Eskolak Euskaraz plataformak deituta, herritar talde batek protesta egin zuen otsailaren 2an Nafarroako Legebiltzarraren aurrean, Iruñeko Udalak hiriaren haur eskoletan euskararekin duen jarrera baztertzailea salatzeko.
2022-2023 ikasturterako eskaini dituzten 1.069 plazetatik soilik 130 dira murgiltze eredukoak. Beste 129 plazek euskaraz gain ingelesezko jarduerak ere izango dituzte. Haur Eskolak Euskaraz plataformak eta EH Bilduk salatu dute Navarra Sumak euskarari egindako beste eraso bat... [+]
Iruñerrian 'Parkean euskaraz' egitasmoa abian da. Heldu eta haur euskaldunak astero biltzen dira auzoan edo herrian elkarrekin euskaraz hitz egiteko. Helburua haurrek haien artean euskaraz egitea da eta horretarako guraso, senide edo lagun helduak eredu izatea da... [+]
Goiz osoko festa izan zuten larunbatean, eta Iruñeko euskaldunen komunitatearentzako elkargunea izango den Gazteluko plazako lokala erakutsi zuten.
Bi eta sei urte bitarteko umeei eta beren familiei zuzendutako egitasmoa da. Astean behin, zazpi auzotako parkeetan elkartuko dira jolasak eta beste hainbat ekintza egiteko. Izen-ematea zabalik dago irailaren 23ra arte.
Iruñeko Gaztelu plazan ezarriko da Laba espazioa. Barruan bost gune izango ditu. Proiektua burutzeko, diru bilketa abiatu dute.