Euskarazko haur eskolaren alde egin du %37,7k
Euskarazko eredua edo euskara eta ingelesa duenaren alde egin du %37,7k. Eskaintza eredu horietan %27 da.
Bi haur eskola gehiagok eskainiko du Iruñean euskarazko eredua. Hala, eskaintza %27koa da eredu horretan eta ez da nahikoa izanen eskariari aurre egiteko. Izan ere, gurasoen %37,7k egin du euskarazkoaren alde. Eredu eleanitzaren aldeko apustua egin dute guraso askok eta baita ingelesezko jarduerekin nahi dituztenak ere. Gaztelaniazko eredua eta gaztelaniazkoa ingelesarekin %61,5ek eskatu du. Haur eskolen artean hamabitik zortzik eskaintzen dute aukera hori.
Iruñeko Udalak egindako txostenaren datuak dira horiek. Haur Eskolen Erakunde Autonomoak egindako galdeketaren emaitzak dira. 0-3 urte arteko haurrak dituzten gurasoei egin zaie inkesta, izen-emate epean.
Familiek nahiago dute eredu eleanitza. Hala diote datuek: %47,8k, hau da, 851 familiek eman dute izena eredu horietakoren batean. %13,7k egin du gaztelaniazko ereduaren alde. %27,7k egin du euskarazko eredua eleanitzaren alde eta %10,1ek euskarazko eredua ingelesezko jarduerekin izateko aukeraren alde.
Auzoen artean, desberdintasunak
Alde Zaharrean bizi diren gurasoek Donibaneko haur eskola nahiago dute euren seme-alabendako. %11,5ek eman du izena Donibanekoan. Mendillorrin bestetik eskaera gutxien izan da. 0-3 urte arteko haur gutxiago dago auzoan eta eskaririk txikiena auzo horretan dago.
Eskaintza aurten, orekatuagoa
Hamabi dira haur eskola publikoak Iruñean. Heldu den ikasturterako bost ikastetxek eskainiko dute gaztelaniazko eredua: Arrotxapeak, Mendebaldeak, Mendillorrik, Haurtzarok eta Jose Maria Huartek. Hiru ikastetxek eginen dute gaztelaniazko ereduan ingelesezko jarduerekin: Hello Egunsenti, Hello Azpilagaña eta Hello Buztintxurik. Beste lau ikastetxetan euskarazko eredua izanen da: Goizeder, Izartegi, Printzearen Harresi eta Donibane. Horrez gain, Nafarroako Gobernuaren baitako beste bost ikastetxek gaztelaniazko eredua eskainiko dute: Nuestra Señora de los Angeles, Santa Teresa, San Jorge, Nuestra Señora de Roncesvalles eta Ninia Etxea.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
Hilaren 29tik aurrera Sortzen Guraso Elkarteak Jauzi.eus bilatzailea martxan jarriko du. Xedea da euskararen normalizazioa bultzatzeko dagoeneko eskaintzen den aisia atari digital bakarrean biltzea.
Iruñeko Euskalgintza plataforman bildutako eragileek egin dute deialdia. Hiriburuan dauden hamasei haur eskoletatik batean eskaintzen da euskarazko murgiltze eredua. Iruñeko Udalari eta Nafarroako Gobernuari eskatzen diote auzo bakoitzean murgiltze ereduko haur... [+]
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Iruñeko auzo guztietako haur eskoletan murgiltze eredua ezartzeko eskatu dio euskalgintzak udalari. Horrez gain, salatu du duela 35 urteko egoera berean daudela.
Maiatzaren 9an atera dira aurrematrikulen zerrendak, eta Haur Eskoletako Gurasoak elkarteak salatu du Iruñeko Udalak %20ra “mugatu” duen euskarazko eskaria izatez %35,2koa dela. Gainera, azpimarratu dute euskara ezin dela neurtu eskaintza-eskaria... [+]
Hiriko errepideak “oztopatuko” lituzkeela argudiatuz Korrika iragartzen duen haurren Korrika txikiari trabak jarri dizkio Iruñeko Udalak, haurrei, musikariei eta erraldoiei errepidetik ibiltzea ukatuz.
Iruñeko Euskalgintzak azaldu duenez, hirian dauden 12 udal haur-eskoletatik bakarra dago euskaraz murgiltze ereduan: "Horrek esan nahi du eskola horietan eskainiko diren 1.069 plazetatik 130 bakarrik izango direla euskaraz (%12'16a)". Eskaintza murritz hori... [+]
Haur Eskolak Euskaraz plataformak deituta, herritar talde batek protesta egin zuen otsailaren 2an Nafarroako Legebiltzarraren aurrean, Iruñeko Udalak hiriaren haur eskoletan euskararekin duen jarrera baztertzailea salatzeko.
2022-2023 ikasturterako eskaini dituzten 1.069 plazetatik soilik 130 dira murgiltze eredukoak. Beste 129 plazek euskaraz gain ingelesezko jarduerak ere izango dituzte. Haur Eskolak Euskaraz plataformak eta EH Bilduk salatu dute Navarra Sumak euskarari egindako beste eraso bat... [+]
Iruñerrian 'Parkean euskaraz' egitasmoa abian da. Heldu eta haur euskaldunak astero biltzen dira auzoan edo herrian elkarrekin euskaraz hitz egiteko. Helburua haurrek haien artean euskaraz egitea da eta horretarako guraso, senide edo lagun helduak eredu izatea da... [+]
Goiz osoko festa izan zuten larunbatean, eta Iruñeko euskaldunen komunitatearentzako elkargunea izango den Gazteluko plazako lokala erakutsi zuten.
Bi eta sei urte bitarteko umeei eta beren familiei zuzendutako egitasmoa da. Astean behin, zazpi auzotako parkeetan elkartuko dira jolasak eta beste hainbat ekintza egiteko. Izen-ematea zabalik dago irailaren 23ra arte.
Iruñeko Gaztelu plazan ezarriko da Laba espazioa. Barruan bost gune izango ditu. Proiektua burutzeko, diru bilketa abiatu dute.