“Inork euskaraz hitz egiten badu, kalera doa”. Manuel Sarrión González epaileak mehatxua bota du asteburuan, Idiazabal eta Elgoibar taldeen futbol partidua hasi aurreko bileran, Idiazabalen.
Lehenengo Erregional mailako taldeek partidua jokatu dute, erdaraz, zigorrik ez jasotzeko. Alabaina, Mundo Deportivoren arabera, Idiazabal eta Elgoibar taldeek neurriak hartzeko bilera egingo dutela iragarri dute, eta salaketa aurkeztuko dute Gipuzkoako Futbol Federazioan eta Epaileen Komitean.
Matias Aranburu Idiazabal KE-ko presidentearen esanetan, partiduaren aurretik epaileak esan die ez zuela “hitz bat ere” euskaraz entzun nahi: “Esan digu hitz batzuk ulertzen dituela, baina ez dela gai irainak ulertzeko”.
Elgoibar taldeko presidente Omar Aizpuruk esan du epailearen jarrera “sekula ikusi gabekoa” izan dela, eta “onartezina” deritzo Sarrionen erabakia.
Donostiako autobus gidari batek maiatzaren 2an, bere hizkuntza eskubideak urratzeaz gain, erantzun euskarafoboa bota ziola salatu du herritar batek. Gertakari horren berri Hizkuntza Eskubideen Behatokiak eman du. ARGIAk pertsona horrekin hitz egin du, zer gertatu zen jakiteko.
Laborantza lizeoetan tokiko hizkuntzetako irakaskuntza sailen sortzea eztabaidatua izan da frantses legebiltzarrean. Legearen zuzenketa proposatu du Iñaki Etxaniz legebiltzarkideak.
Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]
Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.