“Euskaraz Bizi Eguna” egingo dute martxoaren 18an Arrasaten
Euskal Herrian Euskaraz elkartearen egun handirako egun osoko egitaraua prestatu dute. Martxoaren 18a "Euskaraz bizitzeko hautuari bultzada emateko eguna" izan dadila gura dute.
Zortzigarren Euskaraz Bizi Eguna izango da aurtengoa, martxoaren 18an Arrasaten ospatuko dutena. "Ahalduntze ariketa praktiko" bezala aurkeztu dute deitzaileek, eta "herri euskaldunaren eta euskararen alde egotetik harago, horren alde egiteko prest gaudela adierazteko egitasmoa" izan dadin nahi dute.
Aurtengo zita testuinguru berezian izango da, gainera. Izan ere, Euskal Herrian Euskaraz elkartean Izan, Egin, Eragin gogoetan murgilduta egon dira azken urtean, "berreuskalduntze-prozesuak egun bizi duen apalaldiak, bai mundu mailan zein Euskal Herrian gertatzen ari diren aldaketek" eragindako "krisi integralari" erantzuteko asmotan. Hala, elkartea "goitik behera" berrikusi eta eguneratzea da gogoeta honen helburua. Eta gogoeta horren emaitza moduan, Euskal Herri euskaldunari ateak ireki izeneko dokumentua osatu dute.
Bada, Arrasateko jaialdiak "euskararen normalizazioa helburu duen jarduera fase berri batera eramateko eredu izan nahi du". Hala, euskaraz bizi nahi dutela erakutsiko dute 12:30ean Kulturaten egingo duten ekitaldi nagusian.
Hortaz, Euskal Herrian Euskaraz antolakundetik euskaldun eta euskaltzale orori dei egin diote martxoaren 18ko hitzorduan parte har dezaten.
Eguneko egitaraua
- 10:30 Txupinazoa
- Artisauen azoka
- 11:00 Umeentzako jolasak, tailerrak eta puzgarriak (karpa inguruan)
- 12:30 Euskaraz bizitzera goaz ekitaldia (Kulturaten)
- 14:30 Herri bazkaria Azoka plazan (15 euro)
- 17:00 The Hans Blue Band
- 18:00 Bertso saioa: Alaia Martin, Amets Arzallus, Maialen Lujanbio, Jon Maia (karpan)
- 19:30 Sakatu elektrotxarangarekin Mural kalejira
- 21:30 Kontzertuak (karpan): Dirty Brothers, Willis Drummond, Ezten Giro
- DJ jo ta txo
Egunean zehar: Kilikien kalejira, trikitilariak, dantzariak, portaloiko abesbatza, txistulariak, kontzertuak…
Albiste hau Goienak argitaratu du eta CC-by-sa lizentziari esker ekarri dugu ARGIAra.
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Euskaraz deklaratzea ukatu dio epaileak, eta erabaki du ez parte hartzea bere aurkako epaiketan. Auzitegi kanpoan babesa ematera joandako hamarnaka euskaltzaleren aurrean desobedientziarako deia egin du Torrek. Guztira 3.268 euro ordaintzera zigortu dute.
Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Taldea ezagutarazteko eta proiektua finantzatzeko antolatu dute egun osorako egitaraua.
Euskal Herri euskalduna aldarrikatzeaz gain, euskararen aldeko borrokak kalean ikustaraztea eta indartzea izango du xedetzat.
Asteburuko egitaraua aurkeztu dute EHEko kideek. Besteak beste, sei tailer egingo dituzte bi txandatan, euskalgintzako pertsona esanguratsuekin.
Topaketak urriaren 7an eta 8an Villabona-Amasan izango dira. Euskara eta independentzia ardatz hartuta, zenbait gairen inguruko hausnarketak egingo dituzte.
Ehunka lagun elkartu dira Euskal Herrian Euskaraz-ek Iruñean egindako mobilizazioan. Zonifikazioaren legea alde batera utzi, eta Nafarroa osoan euskara ofizial izatea aldarrikatu dute.
Euskal Herrian Euskarazek hiru aldarri izango ditu abenduaren 6an, Durangoko Azoka garaian, Landako gunetik abiatuko den manifestazioan: hizkuntza eskubideak defendatzea, euskararen aurkako erasoei aurre egitea eta Euskal Herri euskaldunaren alde egitea.
Euskal Herrian Euskarazek aurrera egingo du baldin eta eraberritzen bada. Hala azpimarratu du mugimenduak egin berri duen barne-hausnarketan. Garai berrietara egokitutako EHE antolatu nahi dute orain. Independentzia beharra aldarrikatuko dute Euskal Herria euskalduntzeko tresna... [+]
Euskal Herrian Euskaraz herri mugimenduak garai berrietara egokitzeko ariketa egin duela adierazi du eta bere sorrera-printzipioak eguneratuta jaso dituen Ikusmira agiria aurkeztu du.
Euskal Herrian Euskarazek (EHE) salatu du 34 urte pasatu direla herrialdean zonifikazio linguistikoa ezarri zuen euskararen legea Nafarroako Parlamentuan onartu zenetik. Nafarren hizkuntz eskubideak urratzen dituen lege hori alda dadila eskatzeko ellkartu dira... [+]