Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita UGTren bi ere. "Euskararen kontrako oldarraldiak jatorri politikoa du, eta lehenbailehen gelditu ezean, horrelako ekintzak ugaritzera" deitu dute ekintzaileek ARGIAri igorritako oharrean.
ARGIAk jakin duenez, Euskal Herriko leku ugaritako euskaltzaleek pintaketak egin dituzte euskararen eta euskaldunen aurkako oldarraldia salatzeko. Pintaketen jomuga izan dira epaitegiak eta CCOO eta UGTren egoitzak.
Abenduan CCOO sindikatuaren egoitza ugari margotu dituzte, besteak beste, Gasteizkoa, Durangokoa, Donostiakoa, Eibarkoa, Arrasatekoa eta Tuterakoa, baita UGTren Altsasuko eta Arrasateko egoitzak ere. Jarritako mezuen artean "euskararen etsaiak" edo "euskararen kontrako erasorik ez!" irakur daitezke, epaitegietara iristen diren hizkuntza profilen auzian bi sindikatuok jokatzen ari diren rola salatzeko.
Azpian zenbait argazki.
