Kataluniako Justizia Sailak “hizkuntza-diskriminazio” saiakeratzat jo eta irmoki salatu du. Ministerioak zuzendu ezean, Espainiako Auzitegi Nazionalean errekurtsoa aurkeztuko duela adierazi du, neurria hiritarrek auzitegietan katalanez jarduteko duten eskubidearen aurkakoa dela argudiatuz.

Oposaketa-lehiaketetako azterketa berriak hiru zati izango ditu, eta hirugarrenean dago arazo nagusia. Lehenik azterketa bat egin beharko dute, ondoren merituen balorazioa egingo zaie aurkezten diren pertsonei (ezagutza informatikoak, formakuntza juridikorako ikastaroak…), eta azkenik, atzerriko hizkuntzen ezagutza baloratuko da. Azken atal honek atzerriko hizkuntzen ezagutza baloratuko du, baina Espainiar Estatuan dauden beste hizkuntzen jakintza ez da hautaketa-prozesu osoan zehar baloratzen.

Espainiako Justizia Ministerioak oposaketetan banatuko dituen 8.102 lanpostuetan ez da eskatuko, ezta baloratuko ere, gaztelanian gain estatuan dauden beste hizkuntzen jakintza. Honek nabarmen eragingo du Galizian, Herrialde Katalanetan zein Euskal Herrian jendeak bertako hizkuntzetan arreta jasotzeko duen eskubidean.